Ajuda mutuala

Un article de Wikipèdia, l'enciclopèdia liura.
Anar a : navigacion, Recercar

L'ajuda mutuala[1] es un concèpte de la teoria anarquista e del sindicalisme revolucionari que en practica se tradusís dins un pacte segon que totes los afiliats a un sindicat respondon a totas las agressions intentadas a quines siá autres afiliats, atal, en èssent totjorn mai nombroses, aurán mai de fòrça. Atal qu'un sindicat ajuda o sosten un dels seus cada còp que n'a besonh.[2] Tanben fa referéncia a la solidaritat entre los trabalhadors, o entre las gents, quines pòdon ajudar los autres perque cadun espera a son torn que será ajudat quand li cal. Un exemple seriá la participacion dins una manifestacion pels dreches dels retirats, segon lo principi de l'ajuda mutuala, d'aqueles que son d'acòrdi, pasmens que sián pas encara retirats. L'autogestion, l'ajuda mutuala e lo federalisme son los principis de basa de nombroses entitats anarquistas, que la CNT.[3]

Descriu la cooperacion, reciprocitat, e lo trabalh en equipa que sul plan economic e politic son uns dels principals postulats de l'anarquisme. La cooperacion s'entend coma pacte ligant totas las partidas, atal lo concèpte d'ajuda mutuala sosten que los pactes d'associacion cooperativa son aqueles qu'an de melhors resultats a long tèrme, perque afirma que las actituds altruistas desinteressadas (pensar en primèr als autres a la plaça de se meteis) e las actituds egocentricas espleitadoras (pensar en un mateix a costa dels altres) son de situacions non durables a long tèrme.

Origina del concèpte[modificar | modificar la font]

Lo concèpte foguèt desvolopat per l'anarquista Piotr Kropotkin. Dins son libre L'ajuda mutuala: un factor dins l'evolucion, Kropotkin explorèt l'utilitat de la cooperacion amb un mecanisme de subrevida demest los animals, pr'amor de contrariar la concepcion de l'evolucion coma una simpla competicion per la subrevida entre los individús que sosten la teoria del darwinisme social.

Postula que pasmens que los especimèns cerquen d'èsser los melhors entre eles dins la seuna espècia, la luta per la subrevida se fa pas dins l'espècia d'esperela mas per mestrejar l'environament ostil, es per aquela tòca que coopèran. De sas observacions dels pòbles indigènas de Siberia concluguèt que totas las societats umanas son pas totas tan competitivas coma las europèas, e qu'aquela competitivitat es pas fruch de l'esséncia naturala mas qu'es deguda a de rasons culturalas, entre autras.

Ajuda mutuala e politica[modificar | modificar la font]

Dins un autre de sos libres, La conquesta del pan, Kropotkin prepausèt un sistèma economic basat dins l'intercambi mutual fach en un sistèma de cooperacion volontària. La tèsi de Kropotkin es basada sus la premissa que la penuria es inutila, e qu'es possible de produire los recorses sufisents per satisfar los besonhs de totas las personas en trabalhant sonque cinc oras per jorn pendent la vida adulta, daissant lo rèsta del jorn per satisfar los desirs de luxe, s'es çò que volèm. La valor de solidaritat compatibla amb l'ajuda mutuala es pas l'altruisme nimai la generositat o la reciprocitat.

Los anarquistas, qu'an aquel concèpte coma un principi de lors tèsis politicas, argumentan que l'ajuda mutuala es incompatibla amb la concurréncia autodestructitz, e incompatibla en absolut amb l'Estat. Perque, aquel, es teoricament fondat dins l'idèa altruista del benestar general delegat, çò que seriá impossible de se realizar, perque las personas encargadas d'aquel son pas que de personas que poirán pas daissar lor interès natural al benestar particular, sonque pel benestar general, e fin finala fa que la solidaritat delegada e coactiva destrutz los ligams associatius e comunitaris e acaba per isolar los individús entre se.

Referéncias[modificar | modificar la font]

  1. (ca)Cent anys de CNT, de Pau Lanao i Carme Vinyoles, dins la revista Presència (p. 6 a 13), nemerò 2003, del 16 al 22 de julhet de 2010.
  2. (es)Los principis de la CNT: Solidaritat e ajuda mutuala CNT
  3. (es)Que es la CNT?