Ajuda:Cossí crear una pagina

Un article de Wikipèdia, l'enciclopèdia liura.
Anar a : navigacion, Recercar

Vaquí cossí amodar una pagina Wikipèdia. Podètz tanben legir nòstra pagina sus Ajuda:Cossí modificar una pagina, en general per las foncionalitats mai avançadas, e nòtas sus la contribucion a Wikipèdia per una inspiracion pus generala, una guida, e de bons conselhs.

I a dos biaisses simples per amodar una pagina :

  1. Pendent que legissètz d’articles Wikipèdia existents, trobatz de ligams clicables en roge o de ligams seguits d'un ?. Podètz clicar sus un d’aquestes ligams, e anatz arribar sus una pagina disent : « Modificacion de ...nom de l'article novèl ». Podètz alara picar lo tèxt de vòstre article. Quand avètz acabat, clicatz sul boton « Salvagardar » en bas de la pagina. (Utilizatz lo boton « Previsualizacion » se volètz d'en primièr veire que sembla la pagina.) — Modificar arbitràriament de paginas en ajustant/wikificant un tèrme novèl puèi ajustar una dintrada plan escricha religant a aquesta pagina es un fòrt bon mejan per ajustar continualament de subjèctes novèls a Wikipèdia.
  2. Se volètz abordar un subjècte vertadièrament novèl, la primièra causa de far es probable d'utilizar lo dialòg « Recercar » (agachatz a esquèrra d'aquesta pagina, per exemple) e de veire se podètz pas trobar un domeni connèxe (sovent una dintrada generala, coma Filosofia o Biologia), editar aquesta pagina, e (a l'endrech apropriat) ajustar lo títol de l'article que volètz crear entre de parentèsis carradas doblas, [[atal]]. Quand nomenatz las paginas, devètz gardar a l'esperit las suggestions sus las convencions suls títols. Puèi, quichatz lo boton « Salvagardar » en bas de la pagina. Sus la pagina que venètz d'editar, deuriatz veire un ligam clicable en roge; clicatz dessús e començatz de trabalhar sus vòstra pagina novèla ! — Crear de domenis totalament novèls es un biais important d'ajudar Wikipèdia a aumentar son espandida (e sa pregondor).

Abans d'amodar una pagina novèla, fasètz atencion de verificar qu'existís pas ja d’articles sus de subjèctes similars, o un article sul meteis subjècte, mas amb un nom diferent. Es doncas important de verificar l'inexisténcia d’aquestes articles abans de començar de redigir lo vòstre.

Ajuda:Cossí redigir una pagina

Nòta ! Gardatz a l'esperit que Wikipèdia es una enciclopèdia amb contengut dobèrt. Contribuissètz a una banca d'informacions liura e utilizabla per tot public. Aquesta informacion es pas proprietària. Devètz pas copiar vòstre article de cap de font proprietària, e, plan segur, se volètz que vòstre trabalh personal demòre vòstra proprietat intellectuala, alara devètz pas lo far contribuir a Wikipedia.

Qualques remarcas :

  • Se volètz, podètz entrar solament una linha o doas per una dintrada. Es un començament. Apelam aquò un esbòs (anglés stub : veire Girgon de Wikipèdia). D’articles complets son pas exigits. Ajustar una informacion quina que siá (precisa, utila) a Wikipèdia es benvengut ! Plan segur, se podètz escriure mai, es encara melhor ; cèrtas personas an pres l'abitud d'escriure un pauc mai que qualques linhas quand començan un article novèl. Senhalaretz als lectors que l'article es incomplet en apausant lo bendèl d'esbòs.
  • Vos encoratjam fòrtament a ajustar e adaptar lo trabalh qu'avètz realizat endacòm mai, dins d'autras tòcas, a Wikipèdia. Vos encoratjam tanben a ajustar d'informacions trobadas dins las ressorsas del domeni public e los autres projèctes amb contengut dobèrt. Mas, tornarmai, vos desconselham fòrtament d'utilizar de materials jos drech d'autor ! (veire Wikipèdia:copyright).
  • Una primièra version del contengut ric d'una pagina va probable provocar mai de modificacions e de reaccions, e benlèu que lo resultat final serà fòrça plan escrich (Efècte piranha).