Òrdi deus Chartrós

Un article de Wikipèdia, l'enciclopèdia liura.
Anar a : navigacion, Recercar

Los chartrós (var. chartroses) qu'ei un òrdi religiós contemplatiu de vòts solemnes, de tipe semieremitic, fondat per Sant Brunon e sheis companhons (quate clergues e dus laïcs) en 1084 dens lo Massís de la Chartrosa (lo nom deu quau e prengó), près de Grenòble, en Daufinat, a Saint-Pierre-de-Chartreuse dens lo departament d'Isèra, on e s'establín au ras de l'actuau Monastèri de la Grana Chartrosa.

Lo Monastèri de la Grana Chartrosa

La comunautat de la Grana Chartrosa[modificar | modificar la font]

Entrada principau deu monastèri

La vita, las costumas e l'istòria de l'òrdi que son restacadas a sa maison mair, lo Monastèri de la Grana Chartrosa, lo prior deu quau es cap de l'òrdi. La comunautat qu'a un ròtle fondamentau dens la vita e l'evolucion de l'òrdi. Lo Pair generau que'ei lo son superior ; qu'ei elegit per la comunautat de concèrt dab los membres deu capítol generau.