Arvei di Rosa
![](http://upload.wikimedia.org/wikipedia/oc/thumb/d/da/PhotosJuin-Nov2007_284.jpg/200px-PhotosJuin-Nov2007_284.jpg)
![](http://upload.wikimedia.org/wikipedia/oc/thumb/7/7e/HervedirosaMacDo.jpg/200px-HervedirosaMacDo.jpg)
Arvei di Rosa (en francés Hervé di Rosa) es un pintor francés nascut a Seta en 1959. Es estat influenciat pels païses ont visquèt : diferents païses d'Africa e d'Asia, Mexic, los Estats Units...
Amb son fraire Richard di Rosa, François Boisrond, Rémi Blanchard e Robert Combas fondèt lo movement de la «Figuration Libre» a la debuta dels ans 80. Dins la «Figuration Libre» i a un mesclum cultural e geografic, i a pas de ierarquiá entre la "nauta cultura" e la "bassa cultura". Es una pintura qui manleva a la benda dessenhada, al rock e al grafiti. En 2007, Arvei di Rosa a dich qu'aviá pas pus enveja de parlar de «Figuration Libre» («Je n'ai plus très envie d'entendre parler de Figuration libre», Le Monde 14/07/2007).
![](http://upload.wikimedia.org/wikipedia/oc/thumb/e/ec/HervedirosaMacDo2.jpg/250px-HervedirosaMacDo2.jpg)
![](http://upload.wikimedia.org/wikipedia/oc/thumb/a/a5/HervedirosaMacDo3.jpg/200px-HervedirosaMacDo3.jpg)
En 2000, fondèt lo Musèu de las Arts Modèstas, lo "Musée international des arts modestes" (MIAM), a Seta.
Expausa sas òbras a la "Gallery Haim-Chanin" (a Nòva York) e a "Louis Carre et Cie" (a París), mas tanben a expausat dins lo mond entièr.