Zama
Zama èra una vila de Numidia al sud oèst de Cartage. Èra una plaça fòrta que foguèt la residéncia del rei Juba I ont se tengava arèm e tresaur.
Es celèbra per la victòria de Scipion l'African sus Annibal Barca lo 19 d'octobre del 202 AbcC qu'acabèt la Segonda Guèrra Punica.
Estrabon ditz que foguèt destruida pels romans e demorèt en roïnas longtemps e Plini la torna mencionar coma ciutat liura amb lo nom de Zama Regia. Pendent l'empèri s'i establiguèt una colonia, fondada per Adrian, e aparéis amb lo nom de Colonia Aelia Hadriana Zama. Sant Agustin nomena un evèsque de Zama al sègle III (Marcellus) benlèu de Zama Minor, e apareguèron a aquela epòca las catedras de Zama Major e Zama Minor
Se sona a l'ora d'ara Jama e se trapa a l'oèst de Siliana (Tunisia)