Ofensiva dei Cent Regiments
L'ofensiva dei Cent Regiments se debanèt dins lo corrent de la Segonda Guèrra Mondiala dau 20 d'aost au 5 de decembre de 1940. Organizada per lei tropas comunistas chinesas, amirava lei linhas d'avitalhament e de comunicacion japonesas dau nòrd de China e foguèt devesida entre doas fasas diferentas. Premier, de guerilhas comunistas ataquèron la logistica japonesa (aost-setembre). Puei, lei Chinés ataquèron dirèctament lei tropas japonesas (setembre-decembre). Aquò permetèt la destruccion de mai d'una installacion miniera ò industriala utilizada per Japon mai entraïnèt una repression dura. Lo bilanç de l'ataca foguèt donc considerat coma mitigat per lei caps comunistas e la prioritat foguèt tornarmai donada a la lucha insureccionala menada per de movements de guerilha.