Lo territòri argentin que ho poblat abans l'arribada deu europèus per divèrses pòbles enter lo quaus òm pòt mentàver los indians sosmès a l'Empèri Inca, los Guaraní e los diverses pòbles Auraucans de la Patagonia e de la Pampa. Que ho colonizat peus espanhòus qui creèn la Vicereiautat de l'Arriu de la Plata en 1776. Aquesta autoritat que cabussè dab la Revolucion de Mai de 1810 ; las Províncias Unidas de l'Arriu de la Plata que demorèn totun lo Congrès de Tucumán entà declarar l'independéncia. Arron la Guèrra d'Independéncia gavidada peu generau José de San Martín, Argentina que conegó conflictes internes enter partisans deus camps federau e unitari. En 1853, lo regim federau e estricte de Juan Manuel de Rosas que cadó. La segonda meitat deu sègle XIX que vedó ad arribar milions d'emigrants. Lo sègle XX que ho marcat per ua grana inestabilitat politica a maugrat d'ua grana prosperitat viscuda mei que mei durant las annadas 40 e 50 qui vedón la purmèra pujada au poder e la caduda deu generau Juan Domingo Perón.Cristina Fernández de Kirchner. Chic a chic, lo país que cabussè dens ua crisi economica e politica qui miè a la dictatura sanhosa de la fin de las annadas setanta. La des.hèita argentina durant la Guèrra de las Malvinas que he càder la junta militara. Durant las annadas 90, en lòc de remborsar lo deute nacionau deishat per la dictatura, lo govern qu'empruntè enqüera mei en tot mantiéner ua politica de paritat de la moneda nacionau dab lo dolar american, facilitant atau las importacions au detriment de las exportacions. La resulta que ho ua crisi importanta qui obliguè lo navèth president Fernando de la Rúa a demissionar. Desempuish quauques annadas, ua politica d'inflacion e de remborsament au FMI que tornè l'estabilitat au país. L'actuau president qu'ei Cristina Fernández de Kirchner.
