Melissa Gilbert

Melissa Ellen Gilbert (nascuda lo 8 de mai de 1964 a Los Angeles Califòrnia) es una actritz, escrivana, realizatritz e productritz estatsuniana.

Coneguda mai que tot pel sieu ròtle rèirefamós de Laura Ingals Wilder dins la seria de television Little House in the Prairie / L'Ostalon dins la prada d'en Michael Landon, 1974-1983.

Contunhèt ça que la sa carrièra ( quitament pendent la seria d'en Landon ) amb de filmes e telefimes d'a vegadas tras qu'interessants que lo primièr es la siá interpretacion de n' Anne Frank dins Lo Jornal d'Anne Frank en 1980 realizada per Boris Sagal ont son jòc es remirable, un dels ròtles màgers que pas jamai interpretèt, e la melhora que pas jamai de la pichòta martira olandesa.

Malgrat lo sieu problèma amb alcoòl e dròga que la quita ela confessèt, la siá filmografia nos mòstra qualqu'un d'engatjat dins la vida de la societat, una vertadièra lady progressista dins l' inferno nòrd-american.

Foguèt tanben elegida presidenta ( amb dos mandats successius) de la Screen Actor's Guild de 2001 a 2005.