Times Square

Un article de Wikipèdia, l'enciclopèdia liura.


Vista nocturna de Times Square

Times Square es la plaça emblematica de la vila de Nòva York (EUA), situada al centre de Manhattan, entre las avengudas sieisena e novena, e las carrièras 39 a 52 . En son centre se crosan la carrièra 42 e l'avenguda Broadway, ont se forma una plaça originalament coneguda coma plaça Longacre. La plaça tornèt èsser nomenada per Times Square en 1904, perque lo burèu central del jornal The New York Times se situava al canton. Per celebrar lo cambiament de nom, lo jornal organizèt una fèsta publica de l'an nòu. Quand lo jornal cambièt d'adressa dins la carrièra 46 en 1913, Lo nom Times Square èra ja reconegut, e mai l'estacion de mètro de la zona foguèt nomenada tanben atal. La fèsta d'an nòu contunhèt a se far fòra de l'edifici original del jornal, fins a venir una de las fèstas de referéncia de la nuèch de l'an.

Se caracteriza per sas desenas de publicitats luminosas publicitàrias. Far una publicitat a Times Square es fòrça car; l'anoncia mens cara es aquela de Coca-cola, que paga un milion de dolars cada an, a causa d'un ancian contracte. La rason del pres de la publicat a Times Square es que s'estima que la plaça recep 26 milions de passejaires cada an. Times Square es, amb lo parc central de Nòva York, la zona metropolitana dels Estats Units d'America qu'apareis lo mai de còps dins los filmes e programas de television.