Mosca domestica

Un article de Wikipèdia, l'enciclopèdia liura.
(Redirigit dempuèi Mosca)

Las moscas (var. moschas) son maites insèctes, generalament de diptèrs, que se sarran a la mosca comuna (Musca domestica).

Mosca comuna[modificar | Modificar lo còdi]

Los adultes mesuran entre 5 a 8 mm de long, de cap negrós, de torax gris vestit de quatre bendas negras e jaunenc enjós, amb un còs plan pelut. Sos uèlhs se compausan de mai d'un milierat de lentilhas e son rogencs. An pas qu'un parelh d'alas de tons grises.

Biologia[modificar | Modificar lo còdi]

Pòt pondre cada femèla a l'entorn de 500 uòus que fan cadun 1,2 mm de long. Las larvas, que son apòdas, s'alimentan amb de matèria organica, coma per exemple d'escobilhas e d'excrements. A mai d'èsser un element essencial de la cadena alimentària, qualques espècias de moscas escampilhan lo pollèn o facilitan la descomposicion de las remasilhas organicas.

Provèrbis[modificar | Modificar lo còdi]

  • Ai volgut me far mèl, las moscas m'an manjat.
  • Mai l'ase es magre, mai las moscas lo fissan.