Maria de Ventadorn

Maria de Ventadorn, foguèt una trobairitz mòrta saique en 1222.

Biografia

Maria de Ventadorn es l'una de las « Las tres de Torena », las tres filhas del vescomte Raimon II de Torena e d'Elisa de Severac. Aquelas, segon Bertran de Bòrn, possedián « Tota beltat Terrena ». La data de naissença de Maria de Ventadorn es desconeguda, mas se sap que moriguèt vèrs 1222. Es tanben coneguda jols noms de « Maria de Torena » o « Margarida de Torena ». Se maridèt amb lo vescomte Eble V de Ventadorn (que governava lo vescomtat de Ventadorn, dins la Corresa actuala), felen d'Eble III (protector del trobador Bernat de Ventadorn), Eble lo cantaire, que compta d'entre los creators del genre. Aguèron un filh, Eble (futur Eble VI), que se maridèt mai tard amb Dalfina de La Tor d'Auvèrnha, e una filha, Alix o Alasia. Alix esposará Robèrt d'Auvèrnhe, comte de Clarmont, rèire-felen de Robèrt IV Dalfin d'Auvèrnhe. Maria es mencionada dins lo trabalh de mai d'un trobadors, coma: Gaucelm Faidit, Pèire de Vic, Jausbèrt de Puègcibot, Pons de Capduelh, Guiraut de Calanso, Bertran de Bòrn e Gui d'Ussèl. Segon un comentari d'Ugues IX de Lusinhan, èra « cavalhièr » (era sos cavalliers).

Òbras

Maria de Ventadorn es nomenada coma « trobairitz » autonòma dins un tenson de 1197, sol trabalh que nos parvenguèt d’ela.