Lev Vygotsky
Lev Semiònovich Vygotsky en rus Лев Семёнович Выго́тский (1896-1934) qu'èi un psicològ rus o meilhèu bielorús fondator d'ua teoria socioistorica de la psicologia (psicologia culturau) e mei particularament dens lo maine de la psicologia deu desvolopament. Que prepausóc ua teoria d'interiorizacion deu discors sociau en çà deu mainat.
Dens la soa joenessa que 's intereishava a la literatura puish a la critica literària (qu'escrivoc un ensag sus l'"Hamlet" de Shakespeare tre l'atge de 18 ans), e s'adviéngoc un especialista tan en poesia com en filosofia (on hòu hèra influençat entarà teoria de las emocions deu filosòf Spinoza qui li inspirava ua teoria psicoestetica ed ua apròcha constructivista manlhevada a l'analisi marxista). Segueish quauquas annadas de formacion de medecina puish de dret a l'Universitat de Moscòu e de literatura dens ua universitat liura. Que balharà tanben de cors de literatura abans que's advién professor ed un cercaire especializat dens l'educacion de mainats en deficit intellectuau. A 28 ans e pendent un detzenat d'annadas (dinc a la soa mort) e balharà serias de lecturas en psicologia. Los sens prumèrs obratges e concerniràn la psicologia de l'Art dab ua publicacion arremercada en 1925 ("The Psychology of Art), obratges qui li permetràn e d'obtiéner la soa tèsi de doctor en psicologia de l'Institut de Psicologia de Moscòu.