Guitars - the Museum
Guitars – the Museum, sonat popularament en suedés: Gitarrmuseetis, es un musèu situat dins lo centre vièlh de la vila suedesa d'Umeå, qu'es consagrat exclusivament a l'univèrs de la guitarra.
L'institucion se tròba dins un edifici, que data de 1904 e foguèt bastit amb de malons, qu'anteriorament abrigava l'escòla sonada Vasaskolan. L'endrech, que compta quatre nivèls, compren tanben d'autras entitats: una sala de musica rock (Scharinska), un restaurant que s'inspira dels Estats Units, una botiga d'instruments de musica (4sound) e un vendeire de disques ancians (Garageland).
Lo musèu dobriguèt sas pòrtas al public abans la fin del mes de genièr de 2014, dins l'encastre de l'inauguracion de la capitalitat d'Umeå coma Capitala Europèa de la Cultura.
Las colleccions del musèu[modificar | Modificar lo còdi]
Las colleccions del musèu comprenon mai que mai de guitarras electricas concebudas dins las annadas 1950 e 1960. Demest las possessions mai prestigiosas de la colleccion de guitarras figura una Gibson Flying V de 1958, una Les Paul de 1960 e una Fender Broadcaster de 1950. Amb un total que compta mai de 500 guitarras, aqueste musèu es lo mai grand del mond dins aquesta categoria.