Francis Scott Fitzgerald

Francis Scott Fitzgerald
Naissença	24 de setembre de 1896, Saint Paul, Minnesòta, Estats Units
Decès	21 de decembre de 1940, Hollywood, Califòrnia, Estats Units
Ocupacion	escrivan
Genre	Roman, novèla, poesia, escenario

Francis Scott Key Fitzgerald (Saint Paul (Minnesòta), 24 de setembre de 1896 – Hollywood, Califòrnia, 21 de decembre de 1940), foguèt un escrivan american. Conegut subretot per son òbra The Great Gatsby, èra lo descendent de Francis Scott Key, l'autor de l'imne dels Estats Units.

Se considera coma un dels escrivans nòrd-americans màger del sègle XX. Portavotz de la «Generacion perduda», aqueles nòrd-americans nascuts dins lo darrièr decenni del sègle XIX e que venguèron adults durant la Primièra Guèrra Mondiala. Escriguèt cinc novèlas e de dotzenas de narracions brèvas qu'abòrdan de tèmes coma «la joventut» o «la desesperança» amb una extraordinària onestetat per concretizar sas emocions. Sos eròis, atractius, plen de fisança e condemnats, resplendisson brilhantament abans d'espetar («Mòstra me un eròi» diguèt Fitzgerald en una ocasion, «e escriurai una tragedia»), e sas eroïnas son bèlas e de personalitat complexa.

Bibliografia de Scott Fitzgerald

Romans

• 1920 This Side of Paradise - en occitan: D'aqueste costat del paradís
• 1922 The Beautiful and Damned
• 1925 The Great Gatsby - en occitan: Lo grand Gatsby
• 1934 Tender Is the Night - en occitan: Tendra es la nuèit

Recuèlhs de narracions brèus

• 1920 Flappers and Philosophers
• 1922 Tales of the Jazz Age
• 1926 All the Sad Young Men
• 1935 Taps at Reveille

Autres trabalhs

• 1923 The Vegetable - òbra de teatre
• 1945 The Crack-Up - assags e narracions