Eth shivau des Nebots

Eth Shivau des Nebots ei un des elements deth seguici festiu de Riudoms qu'actue ena hèsta major de Sant Jaume e ei part deth bestiari popular catalan.

Eth shivau siguec estreat eth dia 8 de junhsèga de 2017. Ei l'òbra der escultor e joier de Tarragona Joan Serramià e ei bastit damb fibra de veire. Era sua estructura hè 4,5 mètres dera tèrra as aurelhes, 5,5 mètres dera coa ath morre e 1,8 d'amplada, çò que lo convertís en eth shivau mès gròs de Catalonha. Era figura deth shivau ja ei documentada en eth sègle XIV laguens eth bestiari festiu deth Camp de Tarragona. Era morfologia deth shivau s'a inspirat en eth dera poblacion valona d'Ath qu'actue cada an ara hestivitat dera Ducasse, hèsta que ja se celebraue ara Edat Mejana.

Eth shivau s'inspire ena istòria des frairs Nebot, militars austriacistes hilhs dera vila. Ei per açò qu'eth shivau, ath delà der escut de Riudoms, pòrta ath còth er escut que i a ara façada dera casa natau des Nebots, coneishuda aué coma Cau Gallissà, e tanben ua agla bicèfala (simbèu austriacista) ara morrera.

Ligams extèrnes

• Site oficial