Latin
Lingua latina | |
Region | Laci |
---|---|
Tipologia | SOV Flexionala |
Sistèma d'escritura | alfabet latin |
Classificacion lingüistica | Lengas indoeuropèas |
Estatut oficial | |
Oficial de | Vatican |
Acadèmia | Acadèmia Pontificala de la Latinitat |
Estatut de conservacion | |
Classada coma lenga atudada (EX) per l'Atlàs de las lengas menaçadas dins lo mond | |
Còdis lingüistics | |
ISO 639-1 | la |
ISO 639-2 | lat |
ISO 639-3 | lat |
Ethnologue | lat |
Glottolog | lati1261 |
ASCL | 2902 |
IETF | la |
Mapa | |
Lo latin (autonim: lingua latina) qu'ei ua lenga classica qu'aparten a la familha de las lengas italicas, a l'origina parlada dens la region de Laci (Latium) a l'entorn de Roma.[1] La conquista romana d'Itàlia, puish de las regions riberesas deu Bacin Mediterranèu e, au nòrd, dinc a Ren e Danubi, qu'estó l'encausa de l'espandiment extraordinari deu latin. S'en Orient, lo grèc conservè la plaça de lenga oficiau e de la cultura aquesida arron las conquistas d'Alexandre, en Occident qu'assumí lo medish ròtle, penetrant Gàllia, Espanha, Illíria, Africa e Dàcia peu biaish de l'administracion imperiau, de la difusion de la cultura dominanta dens los elèits provinciaus, deus camps de legionaris e deu comèrci.
Arron la caduda de l'Empèri Roman, qui avó lòc en 476, lo latin qu'evoluí de faiçon diferenta dens cada grana region d'Occident, segon las costumas lingüisticas deus pòbles dejà en plaça (substrat) o deus invadidors (superestrat), e pòc a pòc que'n gessín lengas navèras, emparentadas mes diferentas, qui forman lo grop de las lengas romanicas. Aqueth grop de lengas que compren l'occitan, lo catalan, lo francés, lo castelhan (espanhòu), l'aragonés, l'asturian, l'italian, lo portugués, lo galician, lo sarde, lo romanés, lo romanch, lo ladin, lo friolan e lo francoprovençau (arpitan).
Articles connèxes[modificar | Modificar lo còdi]
- Evolucion del latin:
- Declinason del latin
Referéncias[modificar | Modificar lo còdi]
- ↑ John Edwin, Sandys. A companion to Latin studies, 1910, p. 811–812.