Ziusudra

Un article de Wikipèdia, l'enciclopèdia liura.
Ziusudra

Ziusudra (tanben nomenat Utnapishtim pels babilonians o Atrahasis pels accadians), es un eròi de la mitologia sumeriana, protagonista del mite sul deluvi universal, que foguèt descobèrt dins la seuna version mai antica sus una tauleta trobada a Nippur.

Lo mite[modificar | Modificar lo còdi]

Segons las tauletas de Nippur lo recit mitic descriu cossí los òmes foguèron creats pels dieus:

Après qu'Anu, Enlil, Enki e Ninhursag creèron lo (pòble) dels caps negres”.

Mas amb lo seu bosin e lo seu comportament los umans entaïnèron los dieus superiors. Aqueles decidiguèron de los destruire, enviant un deluvi sus la tèrra. Pasmens Enki lo Senhor de la tèrra, discuta la gràcia e que desirava pas la destruccion de totes los òmes.

Enki causís Ziusudra, e li demanda que faga una embarcacion e que s'i refugie amb diferentas espècies d'animals, fins que passe lo deluvi. Mai tard, la narracion contunha amb lo recit del deluvi:

«Totas las tempèstas e los vents se descadenèron (al mèsme instant)
lo deluvi envasiguèt los centres de cultura
Après que lo deluvi cobriguèt la tèrra pendent sèt jorns e sèt nuèchs
e l'enòrma barca trantalha sus las vastas aigas degut a las tempèstas
Utu sortiguèt, illuminant lo cèl e la tèrra
Ziusudra dobriguèt alara una fenèstra de la seuna enòrma barca
Utu penetrèt amb los seus rais dins de la gigantèsca barca
Lo rei Ziusudra se prosternèt davant Utu
lo rei li immolèt grand nombre de buòus e marrans
«Invocaratz lo cèl e la tèrra (...)»
An (e) Enlil invocaràn lo cèl e la tèrra (...)
faguèron aparésser los animals que surgiguèron la tèrra
Lo rei Ziusudra se prosternèt davant An (e) Enlil
An (e) Enlil trachèron ben de Ziusudra, li donèron vida coma (aquela de) un dieu
faguèron davalar per el un buf eternal coma (aquel de) un dieu»

Mai tard aquel poèma influencièt la mitologia assiriana dins lo poèma accadian, Atrahasis, ont l'eròi es Atrahasis.

Bibliografia[modificar | Modificar lo còdi]

  • Mitos sumerios y acadios, Federico Lara Peinado, 1984, ISBN 9788427606937, (es)
  • La història empieza en Sumer, Samuel Nathan Kramer, 1985, Ediciones Orbis, S.A. ISBN 978-84-7530-942-2, (es)
  • Enciclopedia de los dioses, Jordan Michael, (es)

Vejatz tanben[modificar | Modificar lo còdi]