Zèro absolut
Lo zèro absolut es la temperatura pus bassa que pòsque existir. Correspònd au limit bas de l'escala de temperatura termodinamica, es a dire l'estat d'entalpia e d'entropia minimau d'un gas perfècte. En mecanica quantica, correspònd a l'estat fondamentau de la matèria, es a dire lo nivèu minimau de son energia intèrna. La valor dau zèro absolut es fixada a 0 K ò -273,15 °C.
Prepausat per lo premier còp en 1702 per lo fisician francés Guillaume Amontons (1663-1705), lo concèpte de zèro absolut s'impausèt durant lo sègle XIX gràcias ai trabalhs de Sadi Carnot (1796-1832) e de William Thomson (1824-1907). Dempuei la segonda mitat dau sègle XX, lei temperaturas vesinas dau zèro absolut son l'objècte de recèrcas importantas car de fenomèns particulars, coma la supraconductivitat, aparéisson dins aquelei condicions.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (en) Herbert B. Callen, Thermodynamics and an Introduction to Thermostatistics, John Wiley & Sons, 1985.