Xavièr Navarròt

Estatua de Xavièr Navarròt a Auloron Senta Maria

Xavièr Navarròt (en francés Xavier Navarrot ; lo 24 de heurèr de 1799 - lo 23 de deceme de 1832) que ho un escrivan bearnés de lenga occitana.

Vita

Que neishó en çò d'ua familha borgesa. Que passè lo son temps de mainatge a Auloron puish qu'anè au licèu a Pau abans d'estudiar lo dret a París. Que recebó tanben un diplòma de mètge abans de se'n tornar tau Bearn on viscó de rentas a Passamar, au ras de Luc de Bearn en escrivent la soa òbra poetica en occitan.

Poesia e engatjament politic

Hèra de las soas poesias qu'abòrdan tematicas politicas deu son temps, pròchas de las deu son amic e mentor Beranger. Que rebaten las soas idèas politicas republicanas ("Chut, chut, pòple chut", sus la musica de "Do, do, l'enfant do") quitament se la soa compassion e s'exprimí au mens un còp de cap au "Rei petit", Enric de Chambòrd, duc de Bordèu e hilh postum deu duc de Berric :

"Suspendetz vòste gasolhatge / I vòste combats amorós, / Vietz, òstes d'aqueste boscatge, / L'aire que retien son alena, / Dejà lo primtemps que ns'arrid; / Jo portant que soi dens la pena, / Vietz consolar lo Rei-Petit."

Bibliografia

Edicions de Xavier Navarròt

• Navarròt, Xavier. Estrées Béarnéses en ta l'an 1820. Pau : Vignancourt, 1820.
• Navarròt, Xavier. Dialogue entré Moussu Matheü, l'Electou, y Jean de Mingequannas, lou Bouhèmi. Pau, 1838.
• Navarròt, Xavier. Nouvelles étrennes béarnaises pour l'année 1847. Pau : Véronèse, 1846.
• Navarròt, Xavier. A Messieurs les jurés. Pau : Thonnet, 1850.
• Lespy, Vastin. Chansons de Xavier Navarrot. Pau : Véronèse, 1868.
• Camelat, Miquèu. Obres. Samatan : Éditorial Occitan, 1924.

Bibliografia critica

• Darrigrand, Robèrt. Tèxtes causits. Montpellier : Centre d'études occitanes de l'Université, 1970.
• Anatole, Cristian - Lafont, Robert. Nouvelle histoire de la littérature occitane. París : P.U.F., 1970.