Xavier Le Pichon

Xavier Le Pichon (nascut lo 18 de junh de 1937, Quy Nhon) es un geodinamician francés de la segonda mitat dau segle XX. Pionier de la tectonica de las placas, ne'n prepausèt un modele en 1968. Basat sus l'existéncia de sieis placas principalas, aqueu trabalh permetèt de melhorar las coneissenças relativas a la reparticion dels terratrems enregistrats dins lo monde. En 1973, escriguèt amb Jean Bonnin e Jean Francheteau lo libre Plate Tectonics que demorèt la referéncia dins lo domeni durant quauquas annaas. En parallele, Le Pichon foguèt nomat director dau departament de geologia dau centre d'oceanologia de Brèst (1969), professor a l'universitat Pierre-et-Marie Curie de París (1978) e director dau departament de geologia de l'Escòla Normala Superiora (1984).

Ligams internes

• Geologia.
• Tectonica de las placas.

Bibliografia

• (en) Henry R. Franke;, The continental drift controversy, Cambridge, Cambridge University Press, 2012.
• (en) Tanya Levin, « Interview of Xavier Le Pichon by Tanya Levin », Niels Bohr Library & Archives, American Institute of Physics, 25 de mai de 1998.