Wikipèdia:Critèris d'admissibilitat dels articles

Un article de Wikipèdia, l'enciclopèdia liura.
Anar a : navigacion, Recercar
Blue check.png Aqueste tèxt es considerat coma una recomandacion dins Wikipèdia.
Descriu las exigéncias que lor principi es acceptat per un grand nombre de wikipedians.
Podètz modificar liurament aquesta pagina, mas utilizatz la pagina de discussion per prepausar una modificacion màger.
Acorchi [+]
WP:Cdada

Aquestes critèris d'admissibilitat d’articles, fòrça incomplets, balhan qualques critèris utilizats per determinar s'un article a sa plaça dins Wikipèdia. Un cèrt nombre de cases son ja prevists dins Çò que Wikipèdia es pas. Son prevists per èsser citats dins las decisions se prenent dins la lista de las paginas de suprimir.

Admission d’articles[modificar | modificar la font]

Existís pas cap de procedura d'admission a priori : cada visitor pòt crear quora que siá un article sus un subjècte quin que siá. Es çaquelà desirable d'èsser entre-senhat sus las convencions en vigor dins Wikipèdia abans de crear un article, en particular las convencions suls títols e la neutralitat de punt de vista.

Un còp l'article creat, apareis automaticament dins Paginas novèlas e Darrièrs cambiaments. Aquestas paginas son de longa susvelhadas per de Wikipedians per procedir al contraròtle a posteriori sul qual Wikipèdia es basat. Un article novèl pòt èsser considerat de tres biaisses :

  1. Benefícia clarament a Wikipèdia, res de senhalar.
  2. Abusa clarament de Wikipèdia, es blanquit e escafat sens procès.
  3. Tomba dins la zona grisa d’articles de la valor discutibla, lo bendèl {{supression}} es ajustat al naut e una procedura de supression es entamenada dins la lista de las paginas de suprimir.

La procedura de supression consistís a reculhir un consensus per suprimir o conservar l'article. La durada d'aquesta procedura es generalament d'una setmana. En cas de debat, la procedura pòt durar fins a doas setmanas.

Critèris generals[modificar | modificar la font]

Los articles consistent en una simpla definicion d'un mot del lengatge corrent, sens contengut enciclopedic vertadièr, son d’evitar. La melhora solucion fàcia a aqueste tipe d'article consistís... tot simplament a l'enriquir. Lo problèma principal risca d'èsser rencontrat quand un editor insistís per produire un grand nombre d'articles d’aqueste tipe. Vejatz tanben Wikipèdia:Wikipèdia es pas un diccionari.

Una règla, que pareis evidenta mas i a quitament d’articles que la respèctan pas, es que l'article siá escrich en lenga occitana.

Critèris especifics[modificar | modificar la font]

Biografias[modificar | modificar la font]

Per evitar que Wikipèdia devenga un mejan d'autopromocion per de personas encara desconegudas dins lor domeni, se conselha de consagrar d’articles solament a las personas respondent almens a un dels critèris seguents :

Artistas[modificar | modificar la font]

Un artista o un grop d'artistas es considerat coma notòri tre qu'a produch doas òbras d'art. Per un pintre, aquò significa d'aver realizat dos vernissatges, per un grop dos disques a compte d'editor, etc.

Mas los artistas qu'an accedit a la notorietat sens complir aquesta condicion pòdon plan segur far l'objècte d'un article. Especialament per lor influéncia e lor succès suls plans artistic, istoric o comercial. Çaquelà, la notorietat pòt èsser en partida demostrabla (perque s’agís pas d'una veritat absoluda) per una brèva recèrca dins un motor coma Google.

Musicians e ensembles[modificar | modificar la font]
Pintres e autras arts visualas :[modificar | modificar la font]
  • èsser representat dins las colleccions d'un musèu reconegut
  • aver realizat almens doas exposicions personalas, criticadas o presentadas per de medias nacionals (television, ràdio, premsa, …).

Escrivans e autres autors de l'escrich[modificar | modificar la font]

  • aver publicat almens dos libres a compte d'editor,
  • èsser citat dins un obratge de referéncia reconegut (enciclopèdia, diccionari, etc.).
  • aver recebut un prèmi reconegut (Pulitzer, Nobel, etc.)
artista del teatre[modificar | modificar la font]
  • Meteire en scèna d'una peça jogada dins un teatre nacional
  • Actor principal dins una peça notòria
  • Actor segondari dins 3 peças notòrias
artista del cinèma[modificar | modificar la font]
  • Realizator d'un filme notòri
  • Actor principal dins un filme notòri
  • Actor segondari dins 3 filmes notòris
artista de la television[modificar | modificar la font]
  • Actor principal d'una seria o telefilme important (cadena ertziana, prime time sul cable o editat en dvd) (1 sason completa, 5 telefilmes)
  • Animator principal d'una emission TV notòria
  • Venceire d'un jòc televisat fòrt notòri (prime, presse people, longa durada)

Scientifics, universitaris[modificar | modificar la font]

  • aver recebut un prèmi scientific reconegut nacionalament o internacionalament (per exemple : Prèmi Nobel, medalha del CNRS...),
  • èsser considerat coma un autor de referéncia dins lo domeni considerat,
  • èsser considerat coma l'autor d'una teoria largament difusada,
  • èsser citat dins un obratge de referéncia reconegut (enciclopèdia, diccionari, etc.),
  • èsser una personalitat regularament expausada dins de medias d'audiéncia nacionala o internacionala.

NB : lo trabalh d'un universitari passant per la publicacion d'articles, lo simple fach d'aver publicat d’articles dins de revistas o autras publicacions amb un comitat de lectura es pas un critèri sufisent.

Esportius[modificar | modificar la font]

  • aver ganhat una competicion o un torneg internacional important ont son arribats a las primièras plaças ;
  • aver jogat dins una liga professionala o una competicion d'estatut equivalent dins un espòrt professional individual o encara al pus naut nivèl d'un espòrt amator, comprés las competicions universitàrias als Estats Units ; los articles suls membres d'equipas primièras qu'encara an pas jogat una partida completa amb l'equipa pòdon tanben èsser apropriats tre que son ja dintrats sul terren al cors d'una partida d'una competicion europèa de campionat o de copa ;
  • aver atirat per d'autras rasons que lors performàncias esportivas l'atencion dels mediàs (per ex. l'escandal del dopatge) ;
  • èsser estats seleccionats en equipa nacionala ;
  • èsser estats los campions d'una federacion esportiva nacionala oficiala.

Personalitats politicas[modificar | modificar la font]

  • membre d'un govèrn nacional, o dins un estat federal membre del govèrn d'una entitat federada ;
  • apartenéncia a un Parlament nacional, o a un còrs legislatiu al nivèl regional dins los estats federals (cantons soïsses, províncias canadianas, entitats federalas belgas, etc...) e mai dins las regions amb autonomia marcada d'estats non federals (Escòcia, Catalonha, etc...) ;
  • participacion a l'aparelh dirigent d'un partit important, o direccion d'un partit non marginal ;
  • animacion d'un grop de reflexion politica notòri ("thinktank") :
  • notorietat nacionala, regionala, provinciala o cantonala. Una notorietat purament locala es insufisenta per l'inclusion -los cònsols de vilas importantas justificant de lor inclusion per lor notorietat a un nivèl almens regional.

Aquestes critèris son evidentament d'interpretar amb soplesa, coma de suggestions consensualas e non de règlas rigidas. Se velharà d'argumentar escrupulosament las excepcions eventualas.

Entrepresas, societats e produches[modificar | modificar la font]

Las entrepresas, societats e lors produches pòdon far l'objècte d'articles sus wikipèdia. Veire l'article especializat Wikipèdia:Notorietat (entrepresas, societats e produches).

Òbras de ficcion e lors compausantas[modificar | modificar la font]

Piolinmarciano.jpg

Las òbras de ficcion (libres, filmes, jòcs vidèo, etc.) pòdon far l'objècte d'articles de wikipèdia, tot coma lors compausantas (personatges, concèptes, creaturas, luòcs).

Vejatz l'article especializat Wikipèdia: Notorietat (ficcion).

Sites Web, webmèstres, forums e autres membres d'una comunitat sus Internet[modificar | modificar la font]

Web-browser-openclipart.svg

Per que Wikipèdia venga pas un espaci d'autopromocion per de sites Internet, se recomanda de crear un article pas que per los que complisson una de las condicions seguentas :

  • que son coneguts d'un maximum de personas.
  • que pertòcan mai o mens dirèctament Wikipèdia o sos projèctes (Wikifont, Wikiespècias, etc.) Lo critèri dels « sites foncionant amb lo logicial de wiki Wikimedia » es pas sufisent per èsser admissible.

Los articles suls webmèstres o administrators, los membres de forums, los membres de gropes de discussion e los qu’apartenon a d'autras comunitats son en general pas admeses a mens que la persona aja contribuit a un projècte realament significatiu o siá notòriament coneguda dins d'autres domenis segon los critèris definits sus aquesta pagina. Un article sul moderator « titi » d'un forum consacrat al jòc « XYZW12 » serà fòrça probablament suprimit.

Vejatz l'article especializat : Wikipèdia:Notorietat (web)

Logicial[modificar | modificar la font]

Commonist-main-screen.png

Se lo logicial es estat citat mantun còp dins la premsa o es una referéncia dins son domeni alara la notorietat es a priori aquerida. Aver un projècte sus SourceForge per exemple es pas sufisent. Los « mods » de jòcs son admissibles se son largament difusats e coneguts (per exemple Counter-Strike). Los « mods » que lor notorietat es limitada devon de preferéncia èsser citats dins un article pus general.

Articles qu'an per títol un neologisme o un concèpte novèl[modificar | modificar la font]

Se recomanda qu'un neologisme o un concèpte novèl pòsca constituir un títol d'article solament se complís almens un dels dos critèris çai-jos :

  • far l'objècte d'una dintrada dins un obratge de referéncia reconegut (enciclopèdia, diccionari, etc.),
  • far l'objècte d'un article dins almens doas revistas reconegudas.

Evidentament, demòra de definir çò qu'es una revista reconeguda. D'aitant mai que dins de sectors extrèmament ponchuts, la terminologia evoluís fòrça rapidament, e es pas fòrçament accessibla en linha per verificacion per un neofit.

Aquestes critèris resultan de la necessitat de dispausar de publicacions que tractan del concèpte en question. D'allusions dins la premsa o un usatge anecdotic bastan pas per redigir un article que poiriá dins aqueste cas pas despassar la definicion triviala sens tombar dins l'analisi personala. Vejatz l'article especializat Wikipèdia:Defugissètz los neologismes e Wikipèdia:Trabalhs inedits.

Articles suls nombres[modificar | modificar la font]

PiCM200.svg

Es pas necessari d'aver un article sus cada nombre entièr dins Wikipèdia. Aquò es tanben valable per las annadas (inutil de far un article sus l'an -391 058 239)

Pels critèris aplicables, vejatz l'article especializat Wikipèdia: Notorietat (nombre).

Establiment d'ensenhament[modificar | modificar la font]

Ruetli2 Schule Neukoelln.JPG

Aquesta partida concernís las universitats, las grandas escòlas, e mai los licèus en França o collègis/gimnasis en Soïssa.

Aquestes articles son admissibles dins la mesura que contenon una informacion enciclopedica que las diferéncia d'autres establiments similars. Per exemple, l'informacion "Lo licèu Geneviève de Fontenay a un CDI" es pas pertinenta per un tal article car es lo cas de totes los licèus. Per limitar l'abondància d'articles pichons amb d'informacions limitadas e redondantas, es preferible de recampar las informacions jos la forma de listas o de tablèus dins un article principal (per exemple, al nivèl del departament o canton).

Recèpta de cosina[modificar | modificar la font]

De recèptas o elements de recèptas son admissiblas dins la mesura que contenon una informacion enciclopedica. Atal, se dins lo quadre d'un article se descriu un plat tipic d'un país, d'elements de la recèpta s'inserisson dins la presentacion culturala del plat. La recèpta pòt servir alara, coma los imatges, per illustrar un prepaus, çò que significa en principi que l'article deu pas comprendre la totalitat de la recèpta, mas los elements d'aquesta indispensables a l'objècte illustratiu e enciclopedic. Per exemple, se descriurà los ingredients, mas pas la totalitat de la preparacion coma la temperatura del forn. Los detalhs tecnics de la preparacion qu'an pas d'interès enciclopedic se devon transferir dins lo libre de Cosina. Dins Wikipèdia, se farà doncas referéncia al libre de Cosina ont la totalitat de la recèpta serà donada. Una referéncia vèrs una recèpta del Libre de cosina s'escriu: [[b:nom article]] coma b:Cosina:Moleta Angevina per exemple.

Qué far fàcia a un article que respond pas als critèris[modificar | modificar la font]

Un article que respond pas a un d’aquestes critèris es pas forçadament de suprimir.

Dins totes los cases, la cortesiá serà de rigor, e mai per defaut, la presompcion segon la quala l'editor cèrca de far de son melhor. Vejatz tanben Esperit de non violéncia.


| Benvenguda | Contribuir | Discutir | Paginas de seguir | Règlas | Wikipedians | Pages meta
Copyright | Neutralitat de punt de vista | Règlas de saber-viure | Utilizacion dels imatges |
Convencions suls títols | Convencions lingüisticas | Convencions d’estil | Convencions tipograficas
Paletas de navigacion | Citatz las fonts | Critèris d'admissibilitat dels articles | Començar las modificacions