Wikipèdia:AcuèlhLutzSus/26 de genièr

Un article de Wikipèdia, l'enciclopèdia liura.
Mandolina milanesa

La mandolina qu’ei un instrument de còrdas puntejadas qui pòt muishar variacions de las granas segon los país, las epòcas e los genres musicaus. Lo musician que’n joga en picant las còrdas dab ua mena d'agulha aperada plèctre (o mediatòr).

Las mandolinas que son mei que mei de duas menas (las duas acordadas deu medish biais): mandolina napolitana (la version classica) e mandolina bluegrass. L’acòrdi d’aquestas mandolinas qu'ei lo medish deu vriulon, valent a díser de la mei grava a la mei aguda: sol-re-la-mi. La còrdas de la mandolina que son doblas (dus sol, dus re...) e de metau.

La familha de la mandolina gessida de mandolina napolitana que compta la mandòla, lo mandoloncèl e la mandobaisha. Aqueste instrument que pòt constituir ua orquèstra de plèctres en i bèth hornir guitarras e guitarras baishas.