Wayne Lotter

Wayne Lotter (Johannesburg, 4 de decembre de 1965 - Dar es Salaam, Tanzania, 16 d'agost de 2017) foguèt un conservacionista sud-african. Creèt en 2009 la Fondacion PAMS que lucha contra las tuariás dels animals salvatges amassa amb Krissie Clark e Ally Namangaya, e n'èra president fins a sa mòrt. La fondacion ajudèt a limitar grandament las mòrts d'elefants en Tanzania degudas al comèrci illegal d'evòri.

Foguèt assassinat dins lo districte Masaki de la capitala tanzaniana lo vèspre del 16 d'agost de 2017 aprèp d'èsser sortit de l'aeropòrt, del temps qu'anava dins un taxi cap a son otèl.