Ajuda:Ligam interlenga
Wikipèdia es un projècte multilingüe ; cada lenga a son wiki pròpri, distint dels autres (vejatz Wikipèdia:Coordinacion multilingüa per la lista). Un ligam interlenga es un ligam que mena d'una pagina dins una lenga a una pagina dins una autra lenga. La majoritat dels ligams interlengas servís a listar dins un quadre a esquèrra de la pagina totas las lengas qu'an una pagina sul meteis subjècte.
Ligams interlengas a esquèrra de la pagina[modificar | Modificar lo còdi]
A esquèrra de cada pagina de Wikipèdia pòt aparéisser un quadre Autras lengas qu'ofrís una lista de ligams sus d'autras lengas. Aqueste sistèma permet d'establir una abondància de ligams entre las diferentas lengas de Wikipèdia. Lo visitaire que legís mai d'una lenga vei atal immediatament se lo subjècte que l'interèssa es tanben tractat dins d'autras lengas, e i accedís aisidament.
En mai dels articles, se liga las categorias, las paginas d'ajuda, las paginas de règlas, las paginas d'utilizaire, etc. Se liga tanben los modèls, mas se cal avisar de particularitats tecnicas dels modèls (vejatz capítol çaijós).
Sintaxi[modificar | Modificar lo còdi]
Per far aparéisser un ligam interlenga dins lo quadre a esquèrra de la pagina, cal inserir un ligam de la forma [[còde de lenga:títol estrangièr de la pagina]].
Lo còde de lenga es estandardizat per l'ISO 639-1 : oc per l'occitan, de per l'alemand, en per l'anglés, nap pel napolitan, etc. Qualques lengas an dos còdes, per exemple lo chinés simplificat e lo chinés tradicional. Los còdes dels wikis que correspondon pas a una lenga son documentats dins Ajuda:Ligam interwiki.
Atal, aquesta pagina conten los ligams interlengas seguents :
[[ar:مساعدة:حلقات اللغات]] [[de:Hilfe:Internacionalisierung]] [[hu:Segítség:Nyelvközi hivatkozások]] [[yi:הילף:אינטערוויקי לינק]]
Particularitat dels ligams interlengas dels modèls[modificar | Modificar lo còdi]
Se un modèl conten un ligam interlenga, alara aqueste ligam es inclús dins totas las paginas qu'utilizan lo modèl, generalament aquò es pas lo resultat volgut. Per afichar de ligams interlenga sens qu'aparescan dins totas las paginas ont s'utiliza lo modèl, cal metre los ligams interlenga entre las balisas <noinclude> e </noinclude>.
Exemple[modificar | Modificar lo còdi]
- (demòra de còde afichat pel modèl)<noinclude>
- [[Categoria:Modèl]]
- [[en:Template:Imdb name]]
- [[de:Template:Imdb name]]
- </noinclude>
Plaçar aqueste còde que conten los interwikis (e las categorias eventualas) a la fin de vòstres modèls, sens sautar de linha ni inserir cap de blanc entre la fin del còde del modèl e la balisa <noinclude>. Metre los ligams interwikis e las categorias dels modèls sus de linhas separadas.
Convencions[modificar | Modificar lo còdi]
La presa de decision suls ligams interlengas e las categorias estipula que los ligams interlengas son escriches en fin d'article, aprèp las categorias de las qualas son separats d'una linha blanca, cadun sus una linha, per òrdre alfabetic dels còdes.
Se crèa solament de ligams interlengas cap a d'articles qu'existisson dins las autras lengas.
Mantenença automatica[modificar | Modificar lo còdi]
Amb la multiplicacion de las lengas disponiblas, los ligams interlengas son pas de bon manténer a jorn. Aqueste prètzfach es generalament complit per de bòts, se los ligams son coerents.
Çaquelà, cal una amòrça al bòt. Prengam un exemple. Partissèm de la suposicion que l'article Victor Hugo aja pas encara cap de ligam interlenga. Vos cal alara apondre un ligam cap a, per exemple, lo meteis article en anglés (amb [[en:Victor Hugo]]) e dins l'article en anglés, fasètz çò meteis mas cap a l'article en occitan (amb [[oc:Victor Hugo]]). D’aqueste biais, se tot lo mond procedís atal, totes los articles equivalents seràn estacats al minimum a l'article anglés. Alara demorarà pas pus al bòt que de seguir aquestes diferents ligams e de los apondre dins l'article Victor Hugo sus la Wikipèdia en occitan, sus la Wikipèdia en alemand, etc.
Qualques autres espleches que los bòts son o son estats utilizats. Atal l'Interwiki-Link-Checker es un esplech que s'utilizèt per trobar las paginas del meteis títol disponiblas dins mantuna lenga mas pas religadas.
Ligams interlengas dins la pagina[modificar | Modificar lo còdi]
Per inserir un remandadís cap a un article de Wikipèdia dins una autra lenga, cal far precedir lo còde de lenga del caractèr :.
[[:en:Victor Hugo]]balha : en:Victor Hugo[[:en:Victor Hugo|Victor Hugo]]o[[:en:Victor Hugo|]]balhan : Victor Hugo
Aqueles remandadisses s'utilizan rarament e son puslèu desconselhats quand l'article existís pas en occitan mas existís dins una autra lenga. Val mai d'utilizar lo modèl {{ligam}}. Permetrà:
- de senhalar la pagina coma inexistenta en occitan, çò que constituís una « crida » a la crear
- de remandar cap a la pagina existenta dins una autra lenga.
Se mentretant la pagina en occitan es creada, lo ligam redirigirà dirèctament cap a aquesta pagina.
Exemples :
{{Ligam| Al Gore | lang=en}}balha Al Gore. La pagina en occitan existís, lo ligam renvia cap a ela.{{Ligam| Marie Ragghianti | lang=en}}balha Marie Ragghianti (en). La pagina en occitan existís pas, doncas ligams doble.