Violins of hope (Vriulons/Violons de l'espèr) qu'ei un projècte gavidat per lo laütièr Amnon Weinstein e lo violonista Shlomo Mintz entà amassar e reviscolar e har audir vriulons e instruments tanhents ligats a l'Olocaust.

Chic a chic, au briu de la annadas ua sheishantea que's son apielats e que contitueishen lo còr d'un orquèstra dab laquau Mintz a dat concèrt e qui's passèja capvath lo mòn.

Quauques vriulons que vienen deus orquèstras d'Auschwitz e de Birkenau. Un qu'ei òbra d'un laütièr mort en deportacion. Mantun que son vriulons ondrats destèlas de David (atau, entà un musician "ortodoxe" qu'en hasèva un objècte religiós e deishava ignorar la veda religiosa sus la musica). La màger part qu'arriba dab la soa istòria, com lo vriulon de la familha Hecht^[1] qui ho acessat per ua vesina a la demanda de sa proprietària e conservat per la soa familha per'mor cap eretèr èra estat esparnhat.

Deu son costat Yad va-Shem que conserva tanben vriulons^[2] ; un d'eth qu'èra d'un mainatge chafrat "Motele Shlein"^[3] ^[4]qui avèva juntat la resistència après que sons pair e sa sòrre e hossen estats aucits. E mission de reconeishença que jogava son vriulon tan plan que los quites sordats nazis que l'empleguèn entà eths e eth, que las se virè entà har petat l'establiment on e s'amassavan e on podèva anar e entrar dab lo son estug.