Violéncia en drech civil francés
En drech civil francés, la violéncia es una constrenta exercida sus un contractant en vista d’obténer d'aqueste un consentiment forçat. Lo vici de violéncia es posat per l’article 1130 del còdi civil francés, que parla d’un consentiment « extorquit » per violéncia.
La jurisprudéncia admet doas sòrtas de constrentas, s'agissent d'una violéncia en drech de las obligacions :
- una constrenta fisica, quand fisicament l'autor de la violéncia fòrça lo contractant a signar lo contracte ;
- una constrenta morala, per l’intermediari de menaças que fan pression sus la persona, o sus son entoratge.
Coma lo dòl, la nocion de violéncia es ambivalenta, perque designa a l'encòp lo vici del consentiment e lo delicte.