Verge de Luján

Un article de Wikipèdia, l'enciclopèdia liura.
Interior de la basilica on e's tròba l'estatua de la Verge.
Representacion de la Verge de Luján

La Verge de Luján qu'ei la patrona d'Argentina e d'Uruguai.

La soa legenda que conda qu'en 1630 un proprietari de tèrras de Santiago del Estero que comandè duas estatuas de la Verge qui viengón de Brasil. Lo bròs arrossegat per bueus que s'estanquè au ras de l'arriu Luján (dens l'actuau Província de Buenos Aires). Quan lo boèr e se'n voló tornar avià's suu camin, los bueus no's mudèn pas brica. Alavetz òm descarguè lo bròs qui contieneva mercanderias de las pesugas, dinc a qui non demorin pas sonque las duas estatuas. Òm descarguè la purmèra shens nat cambiament abans de la tornar hicar. Qu'ei pas sonque en bèth descargar la dusau qui lo bueu e mudèn entà tonar préner lo camin. Òm respectè alavetz lo vòt aparent de la Verge en i bèth deishar l'estatua e en tot bastir ua capèra. Los romiatges que comencèn e au sègle XVIIIau ua vila qu'èra ja gesida.

En 1930, la glèisa, bastida suu modèl de las catedraus europèas, qu'obtiengó lo grad de basilica : la Basilica de Nosta Dauna de Luján.