Utilizaire:Gavach/presentacion de la wikipèdia occitana pel public occitan

Un article de Wikipèdia, l'enciclopèdia liura.

Wikipèdia qu'es aquò?[modificar | Modificar lo còdi]

Wikipèdia es un enciclopèdia en linha, multilenga e liura. Aquela enciclopèdia es escricha d'un biais colaboratiu per de volontaris pr'amor la màger part dels articles pòdon èsser cambiats, melhorats, corregits. Per aquò sufís pas que d'una conexion internet!

Fondada lo 15 de Genièr 2001, en anglés, Wikipèdia a a l'ora d'ara d'edicions en 229 lengas çò que fa un total de a quicòm prèp 5 millions d'articles!

Neutralitat de punt de vista?

Wikipèdia en lenga nòstra[modificar | Modificar lo còdi]

La Wikipèdia presenta d'article sus un fum de domenis (sciéncias, istòria, geografia, cultura) dins totas las formas dialectalas de la lenga nòstra. Creada a la fin de 2003 prepausa ja mai de 5000 articles e ne prepausarà encara mai amb la vòstra ajuda.

De mai la Wikipèdia occitana es una formidabla aisina per aprene la lenga o far aprene la lenga en la sortir de sos encastres costumièrs. S'i pòt escriure un aricle en occitan sus la termodinamica de las mars articas tan coma sul cant tradicional en Val d'Ossau e aital enriquir sa coneissença de la lenga.

Perqué participar?[modificar | Modificar lo còdi]

Wikipèdia es ja una referéncia dins mantuna lenga. Avèm aquí l'occasion de crear una font de coneissenças en occitan disponibla liurament e doberta a totes.

Cossí participar?[modificar | Modificar lo còdi]

Abans tot, Esitetz pas ! e començatz de contribuir uèi meteis! La simpla correccion d'una fauta d'ortografia es una contribucion utila e apreciada. Tot lo monde pòt participar. Aguetz sustot pas paur de far petar Wikipèdia o d'ajustar de contengut que siá inapropriat — se mestièr fa, d'editors mai experimentats seràn aquí per reparar e vos ajudar.

Tot lo monde pòt contribuir a Wikipèdia, quitament los utilizaires anonimes, mas la majoritat dels editors an decidit de se crear un nom d'utilizaire pròpri. Perqué se crear un compte ? De se crear un compte permet al contributor la reconeissença de sas contribucions, de participar als vòts, d'aver una pagina personala... Per vos crear un compte, clicatz sus Crear un compte o se connectar. Quand serà fach, poiretz vos presentar sul Jornal dels novèls venguts.

Questions /Responsas[modificar | Modificar lo còdi]