Ursus maritimus

Un article de Wikipèdia, l'enciclopèdia liura.
Ors polar.
Reparticion mondiala de l'ors polar.

L'ors blanc (Ursus maritimus) o ors polar es un mamifèr ipercarnivòr que l'airal de reparticion natural se situa en granda part dins lo cercle polar artic, englobant l'ocean Artic, las mars e massas continentalas environentas. Es la pus granda espècia d'ors , e lo pus grand carnivòr terrèstre existissent [5] [6] Un mascle adult pesa aperaquí 350 a 700 kg, [7] mentre qu'una feme ne fa la mitat. E mai que se tracta de l'espècia sòrre de l'ors brun [8], evoluïguèt per ocupar un ròdol ecologic pus estreit, amb nombrosas caracteristicas corporalas adaptadas a las temperaturas fredas, per se desplaçar sus la nèu, la glaça e l'aiga liura, e per caçar las fòcas, que constituïsson la màger part de son alimentacion. [9] Emai que la màger part dels ors polars nascan sus tèrra, passan la pus granda partida de son temps sus la banquisa. Son nom scientific significa « ors de las mars » e deriva d'aquel fait. Los ors polars caçan sa noirridura preferida a la broa de la banquisa, vivent sovent de resèrvas de graissa quora i pas de glaça en mar. En rason de sa dependéncia a la banquisa, los ors polars son classats coma mamifèrs marins.[10]

En rason de la perda d'abitat causada pel cambiament climatic, l'ors polar es classat coma una espècia vulnerabla.