Traquita
La traquita es una ròca magmatica volcanica principalament compausada de sanidina, de plagioclasis sodics e de biotita. La preséncia de qüars, d'amfibòls, de piroxèns, de magnetita, d'apatita, de zircon, de titanita e de melanita es possibla. A una estructura massisa que pòu de còps prendre un aspècte fluidau. Es constituïda de gruns fins. Sa color es generalament clara (blancàs, gris clar), mai pòu presentar de coloracions jaunassas ò verdassas dins lei zònas d'alteracion.
La traquita es l'equivalent effusiu de la sienita. Se forma dins lei regions de volcanisme explosiu[1]. I constituís de coladas cortas, de venas ò d'intrusions pauc prefondas. Lei jaciments pus coneguts se tròban en Ongria, en Nòva Zelanda e dins leis illas volcanicas deis oceans Pacific e Atlantic. Es utilizada, sovent localament, per fabricar de lausas e de revestiments.
Liames intèrnes
[modificar | modificar lo còdi]Bibliografia
[modificar | modificar lo còdi]- (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.