Trailok
Trailok ò Borommatrailokkanat (1431-1488) foguèt lo rèi de Siam de 1448 a 1488. Succediguèt a son paire Borommarachathirat II (1424-1448) e foguèt remplaçat per son fiu Borommaracha III (1488-1491). Es considerat coma un dei sobeirans pus importants de l'istòria tai.
Son rèine foguèt marcat per un renfòrçament important dau poder reiau e l'adopcion d'una tiera de reformas que donèron una estabilitat fòrça importanta au reiaume a respèct deis estats vesins. En particular, establiguèt una burocracia centralizada que demorèt en plaça fins au sègle XX, definiguèt d'un biais clar lei rengs au sen de l'aristocracia e creèt un sistèma de tribut permetent d'assegurar lei finanaças dau reiaume. Premier rèi siamés que venguèt monge bodista, foguèt tanben a l'origina de la bastida de mai d'un temple. En revènge, dins lo domeni militar, deguèt sostenir doas guèrras malaisadas còntra Lanna que capitèt dos còps d'ocupar de partidas importantas de Siam avans d'èsser vencut en causa de trèbols intèrnes.