Tractat de Sèvres

Territòri teoric de l'Emperi Otoman après la signatura dau Tractat de Sèvres.

Lo tractat de Sèvres es un tractat internacionau signat lo 10 d'aost de 1920 entre los Aliats e l'Emperi Otoman. Fa partia dels acòrds de reglament de la Prumiera Guerra Mondiala. Confirmava la desfacha otomana e preveiá una reduccion drastica de l'Emperi, desenant relegat au reng de potença segondària. D'efiech, los Otomans abandonavan sos territòris europeus (fòra la region vesina de Constantinòple), la totalitat de sas províncias arabas, la vila d'Esmirna e plusors regions anatolianas destinaas a formar los estats curde e armèni en creacion. Los estrechs èran pereu desmilitarizats e administrats per una comission internacionala. Enfin, las fòrças armaas otomanas èran limitaas a 50 000 òmes.

Plusors movements nacionalistas turcs refusèron d'acceptar aquelas condicions e lo desbarcament grec dins la region d'Esmirna entraïnèc rapidament d'insureccions popularas al sen de las populacions turcas. Al començament de 1920, Mustafa Kemal capitèc d'unificar la màger part dels insurgents. De 1920 a 1922, menèc plusors guerras còntra los Curdes, los Armènis e los Grecs. Sas victòrias li permetèron d'obtenir un traçat frontalier mai favorable amb la signatura dau tractat de Lausana en genier de 1923.

Ligams internes

• Prumiera Guerra Mondiala.
• Tractat de Lausana.

Bibliografia

• (fr) Yves Ternon, Empire ottoman : le déclin, la chute, l'effacement, París, Félin, coll. « Le Félin poche », 2002, 575 p.