Tractat de Moscòu (1990)

Lo Tractat de Moscòu (egalament dich tractat 4 + 2 o tractat 2 + 4) es un tractat internacionau signat lo 12 de setembre de 1990 a Moscòu entre la Republica Federala Alemanda, la Republica Democratica Alemanda, los Estats Units, l'Union Sovietica, lo Reiaume Unit e França. Dins lo contexte d'afondrament dau blòt comunista a la fin de la Guerra Freja, defenís lo reglament de la question alemanda qu'èra pas estaa reglaa per los venceires de la Segonda Guerra Mondiala.

Aquel acòrdi fixèt ansin las frontieras alemandas en adoptant oficialament los limits eissits de l'ocupacion dau païs en 1945, organizèt lo retirament de las fòrças sovieticas estacionaas en RDA, confirmèt lo drech de Berlin de contractar liurament d'alianças internacionalas e enebiguèt la possession d'armas nuclearas, biologicas e chimicas per las fòrças armaas alemandas. Los drechs de las poissanças ocupantas en Alemanha (Estats Units, URSS, Reiaume Unit e França) foguèron pereu abolits. Aqueu tractat marca donc la restauracion de la sobeiranetat completa de l'Estat alemand.

Ligams internes

• Ocupacion d'Alemanha.
• Guerra Freja.
• Segonda Guerra Mondiala.