Torà

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, vejatz Torà (omonimia).
Lo començament dels Detz Mandaments de la Torà

La Torà (תורה) o lo Pentateuc son los cinc primièrs libres de la Bíblia o del Tanakh (תנך) (la Bíblia ebrieva, que correspond a l'Ancian Testament crestian). Coneguts tanben coma 'Los Cinc Libres de Moïses', e dins la Septuaginta (traduccion de l'ebrieu al grèc) coma Pentateuc. Los josieus sovent se referisson a tota la revelacion e ensenhaments josieus coma la Torà. Torà es un mot ebrieu que significa ensenhament, instruccion, o especificament Lei. Los cinc libres son Genèsi (Bereshit בראשית), Exòde (Shemot שמות), Levitic (Vaïkrà ויקרא), Nombres (Bemidbar במדבר) e Deuteronomi (Devarim דברים). Dins la version grèga de la Torà, aquestes cinc libres conforman lo Pentateuc (del grèc πεντάτευχος, que vòl dire 'cinc contienedors'), Khamishà humshé Torà (חמשה חמשי תורה, que en ebrieu significa 'Las cinc parts de la Torà'), e cadun d'els es un khummaish (חמש 'cinquen').