Tom Morel

Fotografia de Tom Morel presa entre 1937 e 1940.

Théodose Morel (1^èr d'aost de 1915, Lion - 10 de març de 1944, Entremont), dich Tom Morel, es un oficier e resistent francés. Eissit d'una anciana familha de la borgesiá lionesa, venguèt oficier dau 27^en BCA e se destrièt durant la batalha deis Aups. Après la desfacha francesa de 1940, organizèt plusors movements de resisténcia en Savòia. En 1944, organizèt lo maquís dei Glières e obtenguèt lo largatge d'armas per lei Britanics. Pasmens, foguèt tuat durant una ataca còntra un grop mobil de resèrva de la polícia de Vichèi quauquei jorns avans l'ataca generala dau maquís per leis Alemands e la Milícia.

Tom Morel foguèt nomat Companhon de la Liberacion e recebèt la Legion d'Onor e la Crotz de guèrra 1939-1945. Aguèt tanben tres enfants. Son segond fiu, Philippe Morel (1940-2010), foguèt amirau e un de sei felens, Ivan Morel, comandèt lo 27^en BCA de 2019 a 2021.

Liames intèrnes

• Resisténcia Francesa.

Bibliografia

• (fr) Jean-Louis Crémieux-Brilhac, La France libre - De l'appel du 18 juin à la Libération, París, Éditions Gallimard, 1996.
• (fr) Patrick de Gmeline, Tom Morel, héros des Glières, París, Presses de la Cité, 2008.