Tite Kubo
| Tite Kubo | |
|---|---|
 Ichigo & Yachiru, que representan los dos costats de l'arma de Kubo (Bankai!) | |
| Nom de naissença | Noriaki Kubo |
| Pseudonim | Tite Kubo |
| Naissença | 26 de Junh 1977, Fuchu |
| Nacionalitat | Japon |
| Ocupacion | Mangaka |
| Genre | Nekketsu |
| Òbras | |
| Bleach | |
Taito Kubo (久保 帯人, Kubo Taito, mai conegut en dins lo mond jos la transcripcion irregulara Tite Kubo), de son vertadièr nom Noriaki Kubo, nascut lo 26 de junh de 1977 a Fuchū, es un mangaka Japonés. Es conegut per èsser l'autor del manga Bleach.
Biografia
[modificar | modificar lo còdi]A l'escòla primària, es interessat per l'arquitectura, lo design e lo manga. Apreciant de nombroses artistas e serias de manga coma Gegege No Kitaro (Kitaro lo repugnant) de Shigeru Mizuki e Saint Seiya (Los Cavalièrs del Zodiac) de Masami Kurumada, decidís de venir mangaka. Aquelas òbras influenciaràn son trabalh e son univèrs constituïts de Yokaï e autres tradicions folcloricas e mitologicas.
En 1996, una de sas Ultra novèlas Unholy Hearted Maquina es publicada dins un numèro especial del Weekly Shōnen Jump. Après la sortida de doas autras istòrias cortas en 1997 e 1998, l'autor sortís sa primièra seria, en 1999, Zombiepowder. La seria es anullada en 2000, après 27 capítols.
En agost de 2001, sa seria novèla Bleach debuta dins la meteissa revista per s'acabar en agost de 2016. Aquel manga relata l'istòria d'un licean (Ichigo Kurosaki) que ven un shinigami e combat d'armas vengudas maleficas apeladas hollows. Essent fan de ròck e tot particularament del grop grunge Nirvana, Tite Kubo bategèt son segond manga Bleach ne referéncia a lor primièr album. En 2005, lo manga es recompensat pel prèmi Shōgakukan dins la categoria Shōnen. En 2004, sortís una adaptacion animada de Bleach per l'estúdio Pierrot. Es compausada de 366 episòdis e s'espandís sus 7 ans. Dos OAV e quatre longmetratges d'animacion son egalament estat realizat entre 2006 e 2010. Tite Kubo realiza la dobladura de Kon (mascòta umoristica de la seria) dins lo primièr OAV de la seria animada.
En març de 2016, lo capítol 665 de Bleach que deviá èsser publicat dins lo Weekly Shônen Jump no 14 es reportat per malautiá de l'autor. La seria pren fin en agost de 2016 amb 74 volums e l'autor acaba la seria coma o desirava. A Japon, lo manga Bleach s'es escorrut a mai de 100 milions d'exemplars entre 2001 e 2020. Una exposicion Bleach ÈX s'es tenguda entre lo 18 de decembre de 2021 e lo 16 de genièr de 2022. En mai, la seguida e fin de la seria d'animacion, qu'èra estada arrestada en 2012, es difusada a partir d'octobre de 2022.
Après la fin de Bleach, Tite Kubo prepara un one-shot pels 50 ans del Weekly Shonen Jump. L'one-shot, Burn the Witch, pareis en julhet de 2018. L'one-shot es contunhat amb la difusion en 2020 d'un OAV e es totjorn en prépublication dins lo Weekly Shonen Jump. Bleach repren fin finala en agost de 2021 dins lo Weekly Shonen Jump pels 20 ans de l'òbra amb un tot novèl arc narratiu entitolat Lamentation de las maissas dels infèrns, qu'es la seguida dirècta de l'istòria.
Influéncias
[modificar | modificar lo còdi]L'una de las primièras inspiracions de Tite Kubo foguèt Shigeru Mizuki, l'autor del manga Gegege No Kitaro.