Techovà
La techovà (ebrèu תשובה, « retorn » o « responsa »), prononciat "Tshovà" en ebrèu, es lo procès de pentiment dins lo judaïsme, tant dins la Bíblia ebraïca que dins la literatura rabinica. Confòrmament a la practica jusieva, una fauta, una error, un acte enebit, pòdon èsser perdonats jos resèrva d'engatjar un procès de techovà.
Per amòr que ges d'òme es perfièch, segon la Torah, cadun se deu de portar en continú un regard critic sus son pròpri comportament per s'inscriure dins un procès de techovà.
Lo procès de techovà[modificar | Modificar lo còdi]
Per l'Union ortodòxa, la techovà compren quatre etapas : primièrament cessar de pecar, puèi rancurar son pecat, puèi dire a nauta votz lei pecats en s'adreçant a D.ieu e s'engatjar a pus mai lei cometre, e finalament acceptar per lo futur de pecar pas mai. Dins lo cas dei pecats comeses còntra autrui e non còntra D.ieu, es necessari de demandar primièrament perdon a aquelas personas abans de demandar perdon a D.ieu.[1]
La techovà compren leis etapas seguentas :
- lo perdon ais uèlhs de son prochan : se la fauta es estada comesa contra autrui, es necessari d'obténer son perdon ;
- la confession : la fauta deu èsser mesa en mots, formulada ;
- demandar perdon a son Creator ;
- lo regret : l'entièra consciéncia de la dinamica negativa generada per la fauta es necessària ;
- l'engatjament per lo present e lo futur : préner la resolucion de non mai jamai cedir a aquela temptacion.
La responsabilitat de l'òme au respècte de l'òme es tala que lo « Tot Poderós » es pas pro poderós per l'anullar. Per exemple, s'òm a umiliat o nafrat quauqu'un, es necessari de li presentar deis excusas e d'obténer son perdon. Pasmens, se la primièra etapa concernís la relacion entre l'òme e son prochain, lei darrièras pòrtan sus la relacion entre l'òme e son Creator. Un rite sol sauriá sufire a escafar la fauta comesa.
La techovà dins la Bíblia[modificar | Modificar lo còdi]
« Tornaretz a D.ieu vòstre Senhor e ausiretz sa votz, fasent tot çò que vos comandi uèi. Vosautrei e vòstrei mainatges tornaretz de tot vòstre còr e de tota vòstra arma »
Dins lo contèxt de la literatura biblica, la techovà es presentada coma lo prerequis fondamentau dont depend lo salut tant collectiu qu'individuau.
La techovà dins la literatura rabinica[modificar | Modificar lo còdi]
Lo cinquen tractat del Mishné Torah tracha dau pentiment.
La grandor e lo poder de la techovà[modificar | Modificar lo còdi]
Lo Talmud ensenha que « ailà ont se ten l'òme qu'a fach techovà, emai lei justes perfièchs saurián téner ».[2] La techovà permet d'efièch de posar dins lo mal l'energia qui permetrà que, segon lo Talmud, « lei fautas vengan dei merits ».[3] Es ansin que lo poder ultim de la techovà permet de sublimar lo mau e de lo transformar en ben.
Fònts[modificar | Modificar lo còdi]
- (en) Cet article contient des extraits de l'article « Repentance » par Kaufmann Kohler & Max Schloessinger de la Jewish Encyclopedia de 1901–1906 dont le contenu se trouve dans le domaine public.
Nòtas e referéncias[modificar | Modificar lo còdi]
- ↑ Error en títol o url (en anglés). ou.org..
- ↑ Talmud de Babylone, Bérechit Rabba, 34b
- ↑ Talmud de Babylone, Yoma, 86b
Veire tanben[modificar | Modificar lo còdi]
Bibliografia[modificar | Modificar lo còdi]
- Lo Chandelier d'aur, Josy Eisenberg e Rav Adin Steinsaltz, Edicions Verdier, 2002. (ISBN <span class="nowrap">2864320746</span>)
- Rambam
- Baal teshuva
- Movement de Techouva
- Notice dans un dictionnaire ou une encyclopédie généraliste :
