Taxco
Taxco (oficialament Taxco de Alarcón) es una vila mexicana situada dins lo nòrd de l'estat de Guerrero a 160 km au sud de la Ciutat de Mexic. En 2006, aviá una populacion de 53 755 abitants.
Fondada per Hernán Cortés a quauquei quilomètres d'un vilatge indigèn, la vila aguèt una importància economica majora dins lo corrent dau periòde coloniau gràcias a sei jaciments d'argent. Pasmens, la descubèrta de jaciments pus importants a Zacatecas e a Guanajuato limitèron son desvolopament demografic e la vila demorèt lòngtemps una simpla dependéncia de la Ciutat de Mexic. Venguèt una comuna independenta en 1850 e foguèt ocupada per diferentei faccions durant lei guèrras civilas mexicanas de la segonda mitat dau sègle XIX e dau començament dau sègle XX. A partir deis annadas 1920, lei minas foguèron l'objècte de programas de modernizacion per aumentar la produccion. Pasmens, dempuei la fin dau sègle XX, l'agotament dei venas sembla pròche e la vila assaia de passar de l'economia miniera au torisme.