Sukhoi Su-27
.jpg)
Lo Sukhoi Su-27 es un avion de chaça sovietic concebut durant los ans 1970 per lo constructor Sukhoi. Relativament similar al F-15 estatsunidenc, es un chaçaire monoplaça fòrça manobrable inicialament destinat a de missions de superioritat aeriana. Pasmens, de variantas foguèron desvolopaas per assegurar la mager part de las missions de combat moderne. Aquelas variantas foguèron designaas per d'apelacions novelas que son sovent consideraas coma d'aparelhs distints (Su-30, Su-33, Su-35, Su-37, Shenyang J-11, etc.).
Lo Su-27 intrèt en servici dins las fòrças armaas sovieticas en 1985. 680 exemplaris foguèron produchs entre 1982 e 2010, mas una partia foguèron exportats. D'efiech, en 2020, 16 païs alinhavan 1 067 avions de la seria dau Su-27 al sen de sas fòrças aerianas. Lo Su-27 e sas variantas èran ansin la segonda familha mai utilizaa dins lo monde. Participèron a plusors conflictes coma la guerra Etiopia-Eritrea o la guerra d'Ucraïna. En Africa, los Su-27 etiopians dominèron los MiG-29 eritreus. En Ucraïna, ont es utilizat per los dos camps, plusors exemplaris foguèron destruchs per las defensas antiaerianas despuei lo començament dau conflicte.
Ligams internes
[modificar | modificar lo còdi]Bibliografia
[modificar | modificar lo còdi]- (en) Yefim Gordon, Sukhoi Su-27 Flanker: Air Superiority Fighter, Airlife Publishing, 1999.