Soleil bleu
Soleil bleu (Solelh blau) es una canson en francés de Luiza, cantaira francesa originària de Rènnas de Bretanha (de soca brasilièra per sa maire) ambe los musicians de Bleu Soleil, un duò electro compausat de l'Occitan Antonin Parmentier (es originari de Tolosa) e de Nino Faerdig.[1]
Publicada en simple lo 6 d'abril de 2025 ven còp-sec fòrça populara sus las rets socialas, en particular sus TikTok. La premsa francesa e bèlga considèran qu'aquela cançon es « lo tube de l'estiu 2005 » en Euròpa francofòna.
A la fin del mes de mai de 2025, lo tròç atenh la primièra plaça del « tòp viral França » sus Spotify.
A la debuta de junh, Soleil bleu comptabiliza mai d'un milion de streams.[2]
A la debuta de julhet de 2025, lo simple cumula 3,6 milions d'escotas sus Spotify e es lo vint-tresen títol lo mai escotat sus aquela plataforma. Se classa tanben segond de las vendas sus iTunes e primièr de las recèrcas sus Shazam.
Lo 19 de julhet, Soleil bleu es numèro un en França e en Belgica, e numèro cinc en Soïssa. Son clip atenh lo milion de vistas sus YouTube pendent lo mes de julhet de 2025. La cançon demòra mantunas setmanas numèro 1 en França abans de baissar e de se classar en tresena posicion a la fin d'agost. A n'aquel moment, la cançon cumula mai de vint e cinc milions d'escotas sus Spotify.
Lo simple Soleil Bleu es certificat disc de diamant lo 4 de setembre, siá un pauc mens de cinc meses après sa publicacion.
Luiza
[modificar | modificar lo còdi]Luiza Fernandes Viana es una cantaira francesa nascuda lo 4 de març de 1995 a Rènnas de Bretanha ; es de soca brasilièra per sa maire.
En 2024, a enregistrat una represa qu'a agut de resson de Demain demain del grop occitan de Tolosa Los Fabulous Trobadors. Pasmens, es puslèu revelada pendent l'estiu de 2025 per sa cançon electro-pop reggae Soleil Bleu,[3] un tròç enregistrat a Houilles, dins la banlega de París,[4] ambe los musicians de Bleu Soleil, un duò electro compausat de l'Occitan Antonin Parmentier (es originari de Tolosa) e de Nino Faerdig.[5]
Bleu Soleil
[modificar | modificar lo còdi]Bleu Soleil es un duò de musica electronica francés basat a París, revelats en Occitània en 2025 pel títol Soleil Bleu ambe al cant Luiza Fernandes Viana, dicha Luiza.
Bleu Soleil es compausat de l'Occitan Antonin Parmentier (es originari de Tolosa) e de Nino Faerdig.
Nino Faerdig a començat sos estudis al Conservatòri del Grand Chalon a Chalon de Sòna (en Borgonha) a la debuta de las annadas 2020. En 2024, s'assòcia a Antonin Parmentier, el tanben estudiant al Conservatòri e ja autor de sos pròpris tròces jos l'escais de « Kodaman ». Prenon alavetz lo nom de Bleu Soleil ; enregistran puèi publican en 2024 lo títol « Hisui », puèi en 2025 Confluence (ambe la cantaira Cléo), e en seguida lo tròç electro-reggae Soleil Bleu a la prima 2025, qui el ven lèu un gròs tube en França.
Referéncias
[modificar | modificar lo còdi]- ↑ Nino Faerdig, le compositeur du tube de l’été Soleil bleu, a 20 ans et il est chalonnais https://www.lejsl.com/culture-loisirs/2025/09/25/le-compositeur-du-tube-de-l-ete-i-soleil-bleu-i-a-20-ans-et-il-est-chalonnais-du-jour-au-lendemain-les-gens-se-sont-interesses-a-nous
- ↑ "Soleil Bleu" de Bleu Soleil & Luiza : pourquoi ce morceau cartonne-t-il sur TikTok ? https://www.nrj.fr/actus/musique/soleil-bleu-de-bleu-soleil-luiza-pourquoi-ce-morceau-cartonne-t-il-sur-tiktok-71364977
- ↑ Luiza : qui est la nouvelle sensation pop derrière Soleil bleu ? https://leclaireur.fnac.com/article/615434-luiza-qui-est-la-chanteuse-derriere-soleil-bleu-le-tube-de-lete/
- ↑ L’étonnante histoire de Soleil Bleu, le tube de l’été https://www.lefigaro.fr/musique/le-morceau-a-ete-boucle-en-quelques-heures-l-etonnante-histoire-de-soleil-bleu-le-tube-de-l-ete-20250808
- ↑ « Soleil Bleu » est le fruit de la rencontre entre le duo Bleu Soleil et la chanteuse franco-brésilienne Luiza. https://www.leparisien.fr/culture-loisirs/musique/on-la-enregistre-dans-une-chambre-soleil-bleu-le-tube-de-lete-quon-na-pas-vu-venir-05-08-2025-XZPCFOZQAVHIFAUWSJS42FA5JU.php