Sinizacion
La sinizacion, (en chinés: 中国化 Zhōngguóhuà o 汉化 Hànhuà) es l'assimilacion lingüística o l'assimilacion culturala a la cultura chinesa. Designa tanben l'adaptacion a la cultura chinesa de tot çò qu'es estrangièr .
Sinizacion lingüistica[modificar | Modificar lo còdi]
Las sinizacion lingüistica en China a dos aspèctes. La primièra es la sinizacion lingüistica pròpria amb l'adaptacion lingüistica de tots los tèrmes e concèptes estrangièrs. La segonda aparten al nivèl sociolingüistic amb l'assimilacion dels membres de las culturas minoritàrias al mandarin estandard o a una de las varietats del chinés.
Sinizacion lingüistica[modificar | Modificar lo còdi]
Sinizacion sociolingüistica[modificar | Modificar lo còdi]
La sinizacion sociolingüistica es plan poderosa dins la Republica Populara de China. Unas etnias an gaireben perdut l'usatge de lor lenga e parlan a l'ora d'ara una de las lengas chinesas.
Los Manchós son un exemple particularament representatiu. Lo recensament de 2010 ne trobèt 10 387 958[1] mas sonque 10 èran capables de parlar manchó.
L'etnia tujia comptava 8 353 912 membres en 2010 mas s'estima que sols 70 000 podián parlar tujia[2].
L'etnia she comptava 708 651 membres en 2010 mas 90 personas solament èran de locutors natius[3].
Aquesta sinizacion es pas çaquelà generala. Qualques pòbles coma los Mongòls, los Oigors o los Tibetans sèrvan massissament lor lenga.
| Nom de l'etnia | Nombre absolut | Lenga mairala etnica | chinés coma lenga mairala (percentatge) |
|---|---|---|---|
| Manchó | 10 387 958 | 10 | 99,99% |
| Zhuang | 16 926 381 | 97% | 3% |
| Oigor | 10 069 346 | ≥99% | 1%≤ |
| Bai | 1 933 510 | 68% | 32% |