Simon lo Mague

Un article de Wikipèdia, l'enciclopèdia liura.
Anar a : navigacion, Recercar
Disputa de Pèire ambé Simon lo Mague per Avanzino Nucci, 1620. Simon se tròba a drecha, vestit de negre
La casuda de Simon lo Mague pintat a Hildesheim, Alemanha, 1170
Filippino Lippi, Disputa de Simon lo Mague e crucifixion de Sant Pèire
Benozzo Gozzoli: Casuda de Simon lo Mague

Simon lo Mague (var. Simon lo Mage) segon lei crestians, o Simon de Samària, foguèt un samaritan protognostic considerat coma lo fondator dau Simonisme. La sola referéncia biblica n'es dins Lei fachs deis Apòstols 8:9-24 e sensiblament dins mai d'una version apocrifa e eretica dei premierei escrivans crestians, que quauqueis uns lo considerèron coma la fònt de totei leis eretgias, en particular Sant Justin qu'escriguèt sus Simon aperaquí cent ans après sa vida.

Justin e Irenèu de Lion balhèron d'autrei detalhs. Segon elei, Simon veniá dau vilatge samaritan de Gitta (o Gitton) e seriá apelat « Zèus » per lei simonians e sa companha Elena, « Atena ». Justin declarèt tanben que Claudi li aviá erigit una estatua subre un illon de Tibre ont dos pònts crosan, ambé l'inscripcion « Simoni Deo Sancto » 'A Simon lo Dieu', mai au sègle XVI se i descobriguèt una estatua que son inscripcion s'adreiça a Semo Sancus, una divinitat sabina, çò que conduguèt leis istorians a pensar que Justin lo Martir confondèt « Semoni Sanco Deo » ambé « Simoni Deo Sancto ».

Segon Lei fachs deis Apòstols, après èsser batejat per Felip, Simon lo Mague auriá vougut comprar a Pèire son poder de far de miracles (Actes, VIII.9-21), çò que li auriá vaugut la condemnacion de l'apòstol: « Que ton argent perisca ambé tu, perqu'as pensat aquerir ambé d'argent lo don de Dieu ».

Sei discussions e polemicas ambé Pèire son abondosament citadas dins la literatura pseudoclementina.