Sidòni Apollinari
Gaius Sollius Modestus Apollinaris Sidonius, que conoissèm mièlhs jol nom de Sidòni Apollinari (nascut lo 5 de novembre d'una annada desconeguda a l' entorn de 430 et mòrt entre las annadas 481 e 490), foguèt un poèta, diplomata e evesque galloroman que foguèt canonizat coma Sant de la Glèisa Catolica Romana que lo festeja lo 21 d'agost.
Foguèt un dels òmes de lètras màger del sègle V e un dels quatre grands aristocratas galloromans del qual demòran encara fòrça tèxtes (los autres essent Ruricius, evesque de Limòtges, que moriguèt en 507, Alcimus Ecdicius Avitius, evesque de Viena, que moriguèt en 518, e Magnus Felix Ennodius, evesque de Ticinum, que moriguèt en 534). Aquestes òmes formavan part del cercle intelectual de l'aristocracia galloromana que donèt los evesques a las Gàllias.