Sia (cantaira)

Sia Furler sus l'empont a Seattle (Estats Units) en 2011

Sia Kate Isobelle Furler, mai coneguda coma Sia, nascuda lo 18 de decembre de 1975 a Adelaïda (Austràlia), es una cantaira anglofòna australiana, tanben autora, compositritz, scenarista, actritz e productritz.

Sia Furler banha pendent son enfança australiana dins lo mitan de la musica. Per l'anecdòta, a un moment dat son paire seriá estat un musician efemèr del famós grop australian Men at Work. Sia debuta coma cantaira en 1993 a 17 ans dins lo grop australian Crisp, que publica dos albums d'acid jazz : Word and the Deal e Delirium.

En 1997, sortís un primièr album sòlo, OnlySee.

Sia s'installa en seguida al Reialme Unit e a la fin de las annadas 90 fa corista pels grops britanics Jamiroquai e Massive Attack.

Son primièr single solò al Reialme Unit, Taken for Granted, a de resson dins aquel país vist que se classa modèstament (n°10) dins los hit-paradas. Totjorn a la meteissa epòca, canta tanben pel grop britanic Zero 7.

En 2004, enregistra lo single Breathe Me que beneficia d'una excellenta promocion als Estats Units en essent estat integrat a la benda sonòra de la seria televisada Six Feet Under difusada en 2005. Aquela debuta de capitada permet a Sia de publicar als Estats Units en 2006 son album Colour the Small One.

En 2008, Sia publica son quatren album estúdio, Some People Have Real Problems.

Son cinquen album, We Are Born, sortit en 2010, marcha puslèu plan als Estats Units : aquel album conten entre autres lo single Clap Your Hands que la video es estada premiada aquela meteissa annada.

En Occitània, Sia ven coneguda per sa participacion coma cantaira sus dos títols del discjòquei francés David Guetta, Titanium en 2011 e She wolf en 2012.

En 2014, es la consacracion per Sia amb son seisen album 1000 Forms of Fear que conten lo tube planetari Chandelier e que l'impausa coma l'una de las cantairas màgers de sa generacion.