Seforis

Un article de Wikipèdia, l'enciclopèdia liura.
Anar a : navigacion, Recercar

Seforis (Σεπφώρις en grèc) es una anciana ciutat de Galilèa, bastida sus un ancian establiment militar assirian del sègle VII aC. En 104 abC los macabèus la conquistèron e la nomenèron ציפורי Tzippori. Antigon II de Macedònia i establiguèt una garnison per s'afrontar amb Eròdes lo Grand, que l'ocupariá en 37 abC. Incendiada al començament de l'èra crestiana, seriá restaurada per Eròdes Antipas que li autregèt l'estatut de ciutat independenta amb lo nom d'Autocratis. A l'epòca de Neron venguèt la residéncia dels reis josieus. Partegèt pas de la revòlta josieva contra Roma de l'an 66, donc los romans la nomenèron Eirenopolis (ciutat de la patz). En 125 foguèt tornar nomenada Diocesarèa. En 635 foguèt ocupada pels arabis (tornar nomenada Saffuriya). Puèi, fariá partida dels empèris otoman e britanic e, a partir de 1948, d'Israèl.