Sefer haBahir

Un article de Wikipèdia, l'enciclopèdia liura.
Salta a la navegació Salta a la cerca

Lo Sefer haBahir (ספר הבהיר "Libre de la Clartat" en ebrieu) es un tractat anonim de mistica jusieva, atribuit au saberut dau segle I Neḥunya ben ha-Qanah (perque comença emb los mots « Lo rabin Neḥunya ben ha-Qanah disset »). "Bahir" se pòt revirar per "dins la lutz", mas tanben per "dins la serenitat". 'Queste libre desvolopa un sistema de mistica jusieva apiejat sus la nocion rabinica fòrça anciana de šeḥinah, concebuda coma l'immanéncia divina dau nom sant e inefable, que sa vida interiora s'organizariá en 10 poissanças creatritz, las sefirot enumeradas dins lo Sefer Yeṣirah. 'Questa doctrina s'inscriu dins lo movement de la Cabala e es pròcha dau gnosticisme que, dempuei l'epòca ellenistica anciana, penetra progressivament tota l'Euròpa medievala.