Sètge d'Odessa (1941)

Un article de Wikipèdia, l'enciclopèdia liura.
Anar a : navigacion, Recercar
Canon sovietic e sei servents durant lo sètge d'Odessa.

Lo sètge d'Odessa se debanèt dins lo corrent de la Segonda Guèrra Mondiala dau 8 d'aost au 16 d'octòbre de 1941. Opausèt una armada romanesa dirigida per lo generau Nicolae Ciupercă (renfòrçada per d'unitats alemandas) a la garnison sovietica de la vila. Leis asalhidors èran inicialament 160 000 e son nombre passèt a cha pauc a 340 000 a la fin dau sètge. En fàcia, lei defensors passèron de 30 000 a 120 000 òmes.

Lei Sovietics opausèron una resisténcia acarnada e capitèron de rebutar quatre atacas dei fòrças de l'Axe que perdiguèron 93 000 soudats durant lo sètge (aperaquí 18 000 tuats, 63 300 bleçats e 11 500 presoniers ò dispareguts) còntra solament 41 000 per lei Sovietics (16 600 tuats e 24 700 bleçats). Pasmens, en causa de l'avançada alemanda dins lo territòri sovietic, Odessa foguèt mai e mai isolada e l'Estat Major de l'Armada Roja decidèt finalament d'evacuar lei defensors gràcias a la Flòta de la Mar Negra.

Mens d'una setmana après la conquista de la vila, acomencèron lei Chaples d'Odessa (22 d'octòbre - 1èr de novembre) que causèron la mòrt d'au mens 44 000 civius[1] (principalement de josieus, de comunistas e de gitans) e l'acomençament de la desportacion generalizada dei josieus de la region[2].

Liames intèrnes[modificar | modificar la font]

Bibliografia[modificar | modificar la font]

  • (en) Mark Axworthy, Cornel Scafes e Christian Craciunoiu, Third Axis Fourth Ally: Romanian Armed Forces in the European War, 1941–1945, Arms & Armour Press (1995).

Nòtas e referéncias[modificar | modificar la font]

  1. Existís d'estimacions pus importantas que passan de còps 100 000 mòrts.
  2. Lo nombre de josieus en Odessa passèt de 133 000 personas avans la guèrra a 703 lo 10 d'abriu de 1942.