Refrigerador

Un article de Wikipèdia, l'enciclopèdia liura.
Anar a : navigacion, Recercar
Seccion dels refrigeradors dins un gran magazin

Un refrigerador es una aisina electrodomestica que servís a conservar de productes a una temperatura prèp del punt de congelacion, normalament a l'entorn de 4 °C.

Istòria[modificar | modificar la font]

L'èsser uman totjorn foguèt en recerca de biais de conservar los aliments e leu se descobriguèt que lo freg èra bon per la conservacion. L'invencion del refrigerador es una revolucion dins los sistemas de conservacion. Es lo luòc qu'abitualament se serva lo menjar al fresc coma la carn e las bevendas per poder los servar a una temperatura que refresque. Es tanben utilizat coma luòc intermediari per descongelar çò que sortís del congelador.[1]

Los primièrs refrigeradors domestics foncionavan pas amb electricitat, se deviá plaçar un pan de glaç que venián d'establiments especializats e quand èra fondut se deviá i plaçar un autre e ne trirar l'aiga.

L'inventor del refrigerator es Charles Tellier qie en 1876 concebèt una nau frigorifica partent de Roan portant de carn fins a Buenos Aires en bon estat de conservacion après 105 jorns de mar.

Lo liquid refrigerant utilizat foguèt pas totjorn lo mèsme: foguèt utilizat de substàncias pudentas e dangierosas coma l'amoniac, fins a 1931 s'utilizèt pel primièr còp un liquid nomenat freon que en aparéncia provocava pas de problemas. L'usatge d'aquelas substàncias foguèt implantada de biais generalizat fins a que foguèt descobèrt que provocavan d'efèctes nefasts dins lo jaç d'ozòn. En 1992 Greenpeace promouguèt de materials que damatjan pas lo jaç d'ozòn.

Foncionament[modificar | modificar la font]

Lo foncionament del refrigerator se basa suls fenomèns d'evaporacion e de condensacion d'una substància. Un liquid nomenat refrigerant circula per un serpentin que se trapa a l'interior del refrigerator. S'evaporant, lo liquid absorba la calor e l'aire dels aliments de l'interior del refrigerator. La vapor atal formada circula pels pichons tudèls fins a un compressor, que fonciona mejanç un motor electric, comprima la vapor, que se refreja e ven liquida passant pel radiador qu'i a a l'exterior del refrigerator. Es amb aquel procés que sortís a l'exterior la calor que lo liquid aviá pres, e contunha lo procés.

Referéncias[modificar | modificar la font]

  1. (ca)Xavier Valls Aliments a sol i serena in Sàpiens, Barcelona, n° 122, nov. de 2012, p.22, issn=1695-2014

Commons-logo.svg

Wikimedia Commons prepausa de documents multimèdia liures sus refrigerator.