Rebeca Matte Bello
Rebeca Matte Bello (29 d'octòbre de 1875, Santiago de Chile - 15 de mai de 1929, París) èra una escultora chilena.
Èra la filha unica de Rebecca Reyes e dau diplomata Augusto Matte. Foguèt premier educada per sa grand qu'èra en contacte amb una partida importanta de l'elèit culturau chilen de la fin dau sègle XIX (José Victorino Lastarria, Gabriel Jordan Amunátegui, Alberto Blest Gana... etc.). Puei, son paire deguèt s'installar a París e Rebeca Matte Bello acabèt son educacion en Euròpa, principalament a Roma e dins la capitala francesa. Se maridèt ambé lo diplomata Pedro Felipe Larrain Iñíguez e lo pareu aguèt una filha que moriguèt en 1926.
Sa carriera d'artista acomencèt en 1899 ambé la presentacion d'una estatua dicha Oraci au Salon de París. Rapidament reconeguda coma escultora, foguèt cargada en 1908 per lo govèrn chilen de la realizacion d'una escultura per la Cort Internacionala de Justícia. Dicha La Guèrra, aquela òbra foguèt installada en 1914. Après, realizèt d'autreis òbras per Chile, coma leis Eròis de Concepción en 1914, e contunièt de presentar seis òbras dins lei salons europèus. Arrestèt l'escultura après la mòrt de sa filha.