Reaccion de condensacion

Exemple de reaccion de condensacion entraïnant l'eliminacion d'una molecula d'aiga.

Una reaccion de condensacion es una reaccion quimica que se caracteriza per la combinason de doas moleculas per formar una molecula (lo condensat) en eliminant una molecula simpla (aiga, sulfur d'idrogèn, metanòl, acid acetic, etc.). L'esquèma generau d'una tala reaccion es dau tipe :

A–f₁ + B–f₂ → condensat A–B + sosproduch f₁–f₂

Fòrça reaccions de condensacion son realizadas gràcias a de reaccions d'addicion-eliminacion sus un grop carbonil.

Se lei moleculas implicadas dins la reaccion son polifoncionalas, es possible d'obtenir una reaccion de policondensacion e de formar de macromoleculas. Una part significativa dei polimèrs modèrnes, coma lei poliestèrs, lei poliamidas ò lei policarbonats, son obtenguts d'aqueu biais.

Liames intèrnes

• Plastic.
• Polimerizacion.
• Quimia organica.